சென்னை: சூப்பர் ஸ்டார் ரஜினிக்கு டுவிட்டர் வாயிலாக பிறந்தநாள் வாழ்த்துக்களைத் தெரிவித்துள்ளார் நடிகை சோனாக்ஷி சின்ஹா. அதோடு தனது தமிழ் அறிமுகத்தை சிறப்பாக்கியதற்காக அவர் ரஜினிக்கு நன்றிகளையும் தெரிவித்துள்ளார்.
கே.எஸ்.ரவிக்குமார் இயக்கத்தில் ரஜினி நடித்துள்ள படம் லிங்கா. இப்படத்தில் ரஜினியின் ஜோடியாக அனுஷ்கா மற்றும் சோனாக்ஷி சின்ஹா நடித்துள்ளனர். இப்படம் ரஜினியின் 64வது பிறந்தநாளான இன்று ரிலீசாகி உள்ளது.
ரஜினியின் பிறந்தநாளுக்கும், அவரது லிங்கா வெற்றி பெறுவதற்கும் கட்சித் தலைவர்கள், கலைஞர்கள் மற்றும் ரசிகர்கள் வாழ்த்து தெரிவித்து வருகின்றனர்.
வாழ்த்துக்கள்...
இந்நிலையில், லிங்கா படத்தில் ரஜினிக்கு ஜோடியாக நடித்துள்ள சோனாக்ஷி சின்ஹாவும் ரஜினிக்கு தனது பிறந்தநாள் வாழ்த்துக்களை டுவிட்டர் வாயிலாக தெரிவித்துள்ளார்.
நன்றி... நன்றி... நன்றி...
மேலும், தனது முதல் தமிழ் படமான லிங்காவை இந்த அளவுக்கு ரசிகர்கள் மத்தியில் கொண்டு போய் சேர்த்ததற்காக ரஜினிக்கு தனது நன்றிகளையும் அவர் கூறியுள்ளார்.
வரவேற்பு...
ரஜினியின் நெருங்கிய நண்பரான சத்ருகன் சின்ஹாவின் மகளான சோனாக்ஷிக்கு இப்படத்தின் மூலம் தமிழ் ரசிகர்களிடத்தில் நல்ல வரவேற்பு கிடைத்துள்ளது.
பாராட்டுகள்...
லிங்கா படத்தைப் பார்த்த பலரும் சோனாக்ஷியைப் பாராட்டி வருகின்றனர். தமிழில் முதல் படம் என்ற சுவடே தெரியாத அளவிற்கு சூப்பராக நடித்துள்ளதாக சோனாக்ஷிக்கு பாராட்டுகள் குவிந்து வருவது குறிப்பிடத்தக்கது.
Post a Comment