சென்னை: தளபதி நடிகர் தன்னை வைத்து 2 படங்களை எடுத்த முன்னணி இயக்குனரின் படத்தில் மீண்டும் நடிக்க மறுத்துவிட்டாராம்.
ரொம்ப நல்லவர் நடிகரின் படம் மூலம் இயக்குனரானவர் அந்த கள்ளக்குறிச்சிக்காரர். அவர் கோலிவுட் தவிர பாலிவுட்டிலும் படம் இயக்கி வருகிறார். பாலிவுட்டிலும் மனிதருக்கு நல்ல பெயர் உள்ளது.
அப்படிப்பட்டவரின் படத்தில் நடிக்க தளபதி நடிகருக்கு ஆசை ஏற்பட்டது. அவரின் ஆசையும் நிறைவேறியது. அந்த இயக்குனர் தளபதி நடிகரை வைத்து வரிசையாக இரண்டு படங்களை இயக்கினார். மேலும் தளபதி நடிகரை வைத்து தான் எடுத்த படத்தை பாலிவுட்டில் ரீமேக் செய்து வெற்றியும் கண்டார்.
நடிகரும் இயக்குனரும் இரண்டாவது முறையாக சேர்ந்தபோது வெற்றிக் கூட்டணி வெற்றிக் கூட்டணி என்று மீண்டும் மீண்டும் தெரிவித்து வந்தனர். இந்நிலையில் இயக்குனர் தளபதி நடிகரை அணுகி மீண்டும் ஒரு படத்தில் நடிக்குமாறு கேட்டாராம். கதையை கூட தெரிவித்தார் என்று கூறப்படுகிறது.
தளபதி நடிகரோ மூன்றாவது முறையாக அந்த இயக்குனரின் படத்தில் நடிக்க மறுத்துவிட்டாராம். நடிகரின் இந்த செயல் இயக்குனரை அதிர்ச்சி அடைய வைத்துள்ளதாம். இத்தனைக்கும் அந்த இயக்குனரின் இயக்கத்தில் தங்களின் தளபதி நடித்த 2 படங்களும் சூப்பர் ஹிட் என்று நடிகரின் ரசிகர்கள் ஊரெல்லாம் மைக் செட் வைக்காத குறையாக கூறினார்கள்.
Post a Comment