ஷாரூக்கானின் அடுத்த படம் தில்வாலே-வின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது.
வரும் டிசம்பர் 18-ம் தேதி உலகெங்கும் பிரமாண்டமாக வெளியாகிறது தில்வாலே.
இந்தியில் ‘சென்னை எக்ஸ்பிரஸ்', ‘சிங்கம்' உள்ளிட்ட பல படங்களை இயக்கிய ரோஹித் ஷெட்டியின் இயக்கத்தில் உருவாகி வரும் இந்தப் படத்தில் ஷாருக்கான் ஜோடியா மீண்டும் காஜோல் நடிக்கிறார்.
‘தில்வாலே' படத்தின் படப்பிடிப்பை பல்கேரியா உள்ளிட்ட வெளிநாடுகளில் நடத்தி வருகின்றனர். இதில் ஷாரூக் தம்பியாக வருண் தவான் நடிக்கிறார்,
காமெடி கலந்த ஆக்ஷன் படமாக உருவாகி வருகிறது தில்வாலே.
ஷாருக்கான்-காஜோல் ஜோடியாக பாஸிகர், தில்வாலே துல்ஹனியா லேஜாயேங்கே, குச் குச் ஹோதா ஹை, மை நேம் ஈஸ் கான் போன்ற படங்கள் இந்தி ரசிகர்களை மட்டுமில்லாமல் மற்ற மொழி ரசிகர்களையும் பெரிதும் கவர்ந்தவை. 22 ஆண்டுகளாக இருவரும் மிகப் புகழ்பெற்ற ஜோடியாகத் திகழ்கிறார்கள்.
Post a Comment