கபாலி படத்துக்காக ரஞ்சித் உருவாக்கி 220 பக்க முழு ஸ்க்ரிப்டையும் ஒரே நாளில் படித்து, அதிலிருந்த வசனங்களையும் சொல்லிக் காட்டி இயக்குநர் ரஞ்சித்தை ஆச்சர்யப்படுத்தியுள்ளார் ரஜினிகாந்த்.
இதுகுறித்து இயக்குநர் ரஞ்சித் விகடனுக்கு அளித்துள்ள பேட்டியில், "ரஜினி சார்கிட்ட கபாலி படத்தின் திரைக்கதை,வசனத்தின் தொகுப்பைக் கொடுத்தேன்.
'சினிமாவுல நடிக்க ஆரம்பிச்ச காலத்துல இருந்து நான் ஸ்கிரிப்ட் படிச்சதே இல்லை. ப்ளட் ஸ்டோன் படத்துக்கு மட்டும்தான் படிச்ச ஞாபகம்.அதுக்குப் பிறகு இப்போதான் கபாலி ஸ்கிரிப்ட் படிக்கப்போறேன்'னு சொன்னார்.
220 பக்கங்களையும் படிச்சு முடிக்க ஒரு வாரத்துக்கும் மேல ஆகுமேன்னு நான் நினைக்க, மறுநாளே என்னை வரச்சொன்னார்.
'ரஞ்சித்... அந்த இன்டர்வெல் ப்ளாக்குக்கு முன்னாடி வர டயலாக்கை இப்படிப் பேசலாமானு பாருங்கனு சொல்லி, படத்தின் பல சூழ்நிலைகளுக்கான வசனம், ரியாக்க்ஷன்களை நடிச்சுக் காண்பிச்சார்.
ஒரே நாளில் மொத்த ஸ்கிரிப்ட்டையும் கரைச்சுக் குடிச்சு,அதுக்கு ஹோம்வொர்க்கும் பண்ணிட்டார்னு நினைச்சாலே ஆச்சரியமா இருந்தது. சில முக்கியமான திருப்புமுனைக் காட்சிகளில் அவர் இப்படி எல்லாம் நடிச்சா நல்லா இருக்குமேனு நான் நினைச்சிருந்தேன். அதை அப்படியே நடிச்சுக் காண்பிச்சார். நான் அசந்துட்டேன். 'கபாலி'யை அந்த அளவுக்கு மனசுக்குள் உள்வாங்கிட்டார்," என்று கூறியுள்ளார்.
Post a Comment