2/5/2011 12:01:37 PM
'என் மனைவி ஜீவிதா இயக்கத்தில் மீண்டும் நடிக்கிறேன்' என்றார் டாக்டர் ராஜசேகர். இதுகுறித்து அவர் கூறியதாவது: நேற்று என் பிறந்த நாள். வழக்கமாக சென்னை வருவேன். ஜீவிதா இயக்கும் படத்தின் ஷூட்டிங் நடப்பதால், இம்முறை வர முடியவில்லை. 'சேது'வின் தெலுங்கு ரீமேக்கான 'சேஷு', 'எவடைதே நாக்கேன்டி', 'உடம்பு எப்படி இருக்கு', 'சத்யமேவ ஜெயதே' படங்களில் ஜீவிதா டைரக்ஷனில் நடித்தேன். இப்போது 'மஹன்காளி'யில் நடிக்கிறேன். ஆந்திராவில் பிரபலமான கடவுள் பெயரில் தயாராகும் இப்படம், தமிழிலும் உருவாகிறது. இதற்கு 'மாகாளி' என்று பெயரிட்டுள்ளோம். நீண்ட இடைவெளிக்கு பிறகு போலீஸ் ஆபீசராக நடிக்கிறேன். இன்றைய சமூக பிரச்னைகளை சொல்கிறோம். தமிழகத்தை சேர்ந்த நான், தமிழில் 'புதுமைப்பெண்' மூலம் அறிமுகமானேன். ஆனால், தெலுங்கில் செட்டிலாகி விட்டேன். நேரடி தமிழ் படத்தில் ஹீரோவாக நடித்து, நானே தமிழில் டப்பிங் பேசி நடிக்க ஆசை. அது எப்போது நிறைவேறும் என்று தெரியவில்லை.
Post a Comment