சென்னை: நயன்தாராவின் வெள்ளி விழா ஹீரோவாக உதயநிதி ஸ்டாலின் ஆகியுள்ளார்.
நயன்தாரா கடந்த 2003ம் ஆண்டு ஜெயராமின் மலையாள படம் மூலம் நடிகையானார். 2005ல் அவர் சரத்குமாரின் ஐயா மூலம் கோலிவுட் வந்தார். அடுத்த ஆண்டே அதாவது 2006ல் வெங்கடேஷின் படம் மூலம் டோலிவுட் போனார். கடந்த 2010ம் ஆண்டு கன்னட சூபப்ர் ஸ்டார் உபேந்திராவின் சூப்பர் படம் மூலம் சாண்டல்வுட்டும் போனார்.
இதுவரை அவர் ரஜினிகாந்த், மம்மூட்டி, மோகன் லால், வெங்கடேஷ், நாகர்ஜுனா, பாலகிருஷ்ணா, உபேந்திரா, அஜீத் குமார், விஜய், சூர்யா, ஜூனியர் என்டிஆர், சரத் குமார், ஜெயராம், சிம்பு, ஜீவா, தனுஷ், விஷால், ஆர்யா, ஜெய், பிரபாஸ், ரவி தேஜா, கோபி சந்த், ராணா டக்குபாட்டி, திலீப் ஆகிய 24 ஹீரோக்களுடன் நடித்துள்ளார்.
இந்நிலையில் அவர் உதயநிதி ஸ்டாலினுடன் நடிக்க ஒப்பந்தம் ஆகியுள்ளார். இந்த படத்தில் அவர் நடித்தால் நயனின் வெள்ளி விழா நாயகன் உதயநிதி ஸ்டாலின் தான் என்பது குறிப்பிடத்தக்கது.
சூப்பர் ஸ்டார்கள், மூத்த நடிகர்கள், நடுத்தர வயது நடிகர்கள், இளம் நடிகர்கள், வளர்ந்து வரும் நடிகர்கள் என்று பல தரப்பட்ட நடிகர்களுடன் நடித்துள்ளார் நயன்.
Post a Comment