கமல் ஹாசன், பூஜா குமார் நடித்துள்ள 'உத்தம வில்லன்' படத்துக்கு யு சான்றிதழ் கிடைத்துள்ளது.
லிங்குசாமியின் திருப்பதி பிரதர்ஸ் நிறுவனத்துடன் இணைந்து 'உத்தம வில்லன்' என்கிற படத்தைத் தயாரித்துள்ளார் கமல் ஹாஸன். ரமேஷ் அரவிந்த் இயக்கத்தில் உருவான இந்தப் படம் நேற்று சென்சார் ஆனது.
எந்த இடத்திலும் கட் கொடுக்காமல் க்ளீன் யு சான்றிதழ் வழங்கினர் சென்சார் அதிகாரிகள். வருகிற மே 1-ம் தேதி உத்தம வில்லன் வெளியாகிறது என்பதை நேற்றே தெரிவித்திருந்தோம்.
இந்தப் படத்தில் கமலுடன் இயக்குநர்கள் கே பாலச்சந்தர், கே விஸ்வநாத் முக்கிய வேடங்களில் நடித்துள்ளனர். பூஜா குமார், ஆன்ட்ரியா ஜோடியாக நடித்துள்ளனர்.
ஜிப்ரான் இசையமைத்துள்ளார்.
அதே நேரம் படத்துக்கு எதிராக விஸ்வ இந்து பரிஷத் அமைப்பு போலீஸ் கமிஷனரிடம் மனு கொடுத்துள்ளது குறிப்பிடத்தக்கது.
Post a Comment