ஹைதராபாத்: தான் மீண்டும் விஜயுடன் சேர்ந்து நடிக்கப் போவதாக காஜல் அகர்வால் தெரிவித்துள்ளார்.
காஜல் அகர்வால் விஜயுடன் முதன்முதலாக ஜோடி சேர்ந்தது ஏஆர் முருகாதாஸின் துப்பாக்கி படத்தில் தான். அவருக்கு நன்றாக நடிக்க வந்தாலும் துப்பாக்கியில் அவருக்கு ஒன்றும் பெரிய கதாபாத்திரம் இல்லை. அவ்வப்போது வந்து விஜயை காதலித்துவிட்டும், டான்ஸ் ஆடிவிட்டு மட்டும் சென்றார். துப்பாக்கி சூப்பர் ஹிட்டாகியுள்ளதால் காஜல் குஷியாகியுள்ளார்.
இந்நிலையில் காஜல் செய்தியாளர்களிடம் கூறுகையில்,
ஆல் இன் ஆல் அழகுராஜாவில் கார்த்தியுடன் நடித்தது ஒரு நல்ல அனுபவம். நான் மீண்டும் விஜயுடன் சேர்ந்து ஒரு படத்தில் நடிக்கிறேன் என்றார்.
விஜய் தற்போது இயக்குனர் விஜயின் இயக்கத்தில் நடித்து வருகிறார். இந்த படத்தில் அவருக்கு ஜோடியாக அமலா பால் நடிக்கிறார். அடுத்தபடியாக அவர் மலையாள சூப்பர் ஸ்டார் மோகன்லாலுடன் சேர்ந்து நடிக்கும் ஜில்லா படத்தில் காஜல் தான் நாயகி. இதைத் தான் காஜல் தெரிவித்துள்ளார்.
Post a Comment