சென்னை: சென்னை சர்வதேச திரைப்பட விழா இன்று சென்னையில் தொடங்குகிறது. வரும் அக்டோபர் 4-ம் தேதி வரை நடக்கும் இந்த விழாவில் மொத்தம் 16 திரைப்படங்கள் திரையிடப்படுகின்றன.
அமெரிக்கா, ஆஸ்ட்ரியா, அல்ஜீரியா, ஈரான், பிரான்ஸ், ஜெர்மனி, மலேசியா, குரோவேஷியா, பெல்ஜியம், லாட்சியா நாடுகளை சேர்ந்த படங்கள் இந்நிகழ்ச்சியில் திரையிடப்படுகின்றன.
குறும்படங்கள், ஆவணப் படங்களும் திரையிடப்படுகின்றன.
தினமும் பகல் 12 மணிக்கும் மதியம் 3 மணிக்கும், மாலை 6 மணிக்கும் 3 காட்சிகளாக படங்கள் திரையிடப்படுகின்றன. 16 படங்களும் ஆழ்வார்பேட்டையில் உள்ள சோவியத் கலாசார மையத்தில் திரையிடப்படுகின்றன.
இந்த16 படங்களில் சிறந்த படம், சிறந்த இயக்குநர் தேர்வு செய்யப்பட்டு பரிசுகள் வழங்கப்பட உள்ளன.
செவன்த் சேனல் கம்யூனிகேஷனும் தமிழ் திரைப்பட அகடமியும் இணைந்து இந்த விழாவை நடத்துகின்றன.
சர்வதேச திரைப்பட விழா துவக்க நிகழ்ச்சி சோவியத் கலாசார மையத்தில் இன்று நடந்தது. மாணிக்கம் நாராயணன் தலைமை தாங்கினார். இயக்குநர் வெற்றி மாறன் நிகழ்ச்சியைத் தொடங்கி வைத்தார்.
Post a Comment