ஓநாயும் ஆட்டுக்குட்டியும் படத்திற்குப் பின்னர் மிஷ்கின் இயக்கும் படம் பிசாசு. இது ஹாரர் மூவி என்கிறார்.
இயக்குனர் பாலாவின் பி ஸ்டூடியோஸ் தயாரிக்கும் பிசாசு படத்தின் பகுதிகள் பெருமளவு முடிந்து விட்டது. இந்த படத்தை பற்றி இயக்குனர் மிஷ்கின் தற்போது பரபரப்பான தகவல்களை கூறி வருகிறார்.
ரசிகர்களை பயமுறுத்தனும்
நீண்ட நாட்களாகவே எனக்கு ஒரு ஹரார் படம் இயக்க வேண்டும் என்று விருப்பம். ரசிகர்களை வெறுமென பயமுறுத்துவது மட்டுமே ஹரார் படம் அல்ல என்பது என்னுடைய கருத்து ஆகும். பிசாசு பயமுறுத்தும் விஷயம் மட்டும் இல்லை, மனதை வருடும் விஷயமும் கூட.
ராதாரவி
இந்த படத்தில் மூத்த நடிகர் ராதா ரவி சார் மிகவும் முக்கியமான கதாபாத்திரத்தில், வித்தியாசமாக நடித்து உள்ளார்.
அறிமுக ஹீரோ நாகா
கதாநாயகனாக அறிமுகம் ஆகிறவர் நாகா, முதல் படத்தில் அவர் காட்டும் உழைப்பும் ஆர்வமும் அவருக்கு நல்ல எதிர் காலம் உண்டு என்பதை கட்டாயம் கூறுகிறது.
மலையாள நாயகி
கதாநாயகியாக அறிமுகம் ஆகிறவர் பிரயாகா, மற்றொரு மலையாள வரவு. நடன கலைகளில் வல்லவராம்.
பயிற்சி கொடுத்தேன்
இந்த படத்துக்கான முக்கிய கதாபாத்திரங்கள் மட்டுமின்றி மற்ற சிறிய பாத்திரங்களுக்கு கூட நான்கு மாதம் பயிற்சிக் கொடுத்து நடிக்க வைத்து உள்ளேன்.
நள்ளிரவில் பறக்கும் பிசாசு
60 அடிக்கும் மேல் உயரத்திலிருந்து ஒரு இரவு முழுவதும் பிசாசாக பறந்து நடித்த காட்சி பிரமிப்பூட்டும்.
ரவிசங்கர் ஒளிப்பதிவு
பிரபல ஒளிப்பதிவாளர் ஒய்டு ஆங்கிள் ரவிசங்கர் இந்த படம் மூலம் ரவி ராய் என்ற பெயரில் மிகவும் வித்தியாசமான கோணங்களில் இந்த காட்சிகளை பிரமாதமாக படம் பிடித்து உள்ளார்.
அறிமுக இசையமைப்பாளர்
அர்ரால் கோர்லி என்ற புதிய இசையமைப்பாளரை இந்த படத்தில் அறிமுகபடுத்துகிறேன். எனக்கு வேண்டிய இசை அல்லது நான் கேட்கும் இசை வரும் வரை உழைக்க தயாராக இருக்கிறான்.
மிரட்டும் சண்டைக் காட்சி
பிசாசு படத்தின் உயிர் நாடி க்ளைமாக்ஸ் காட்சிதான். பல்வேறு ஹாலிவுட் படங்களில் ஸ்டண்ட் இயக்குனராக பணியாற்றிய டோனி இந்த காட்சி அமைப்பில் மிரட்டி இருக்கிறார்.
பெரிய பட்ஜெட்
புதுமுகங்களை வைத்து படமெடுத்தாலும் பட்ஜெட் பெரிது. அந்த சுதந்திரத்தை எனக்கு அளித்த எனது நண்பரும் தயாரிப்பாளருமான பாலாவுக்கு கடமைப்பட்டு இருக்கிறேன் என்று கூறியுள்ளார் மிஷ்கின்.
Post a Comment