சென்னை: 10 எண்றதுக்குள்ள படத்தை விஜய் மில்டன் இயக்க விக்ரம் நடித்து வருகிறார்.
தயாரிப்பு முருகதாஸ் மற்றும் ஃபாக்ஸ் ஸ்டார் ஸ்டுடியோ.
படம் அவர்கள் சொன்ன தேதியில் முடியாமல் இன்னும் இழுத்துக் கொண்டிருக்கிறது.
இந்த நிலையில், விஜய் மில்டனுக்கும் விக்ரமுக்குமிடையே தகராறு என்று வதந்தி கிளம்பியுள்ளது. இது குறித்து படக்குழுவிடம் கேட்டால் இது என்ன கலாட்டா என்று திருப்பிக் கேட்கிறார்கள்.
ஏனென்றால், அப்படி எந்த சம்பவமும் படப்பிடிப்பில் நடைபெறவில்லையாம். மேலும் படப்பிடிப்பும் எல்லாம் சுமூகமாகப் போய்கொண்டிருக்கிறதாம்.
டப்பிங் முடிந்துவிட்டது. இனி நான்குநாள் படப்பிடிப்பு மட்டுமே பாக்கி, அதுவும் முடிந்தால் பின்னணி இசை சேர்ப்புதான் என்று நேர்மறை தகவல்களாக சொல்கிறார்கள்.
அப்படியானால் சண்டை என்ன ஆச்சு என்று கேட்டால் அதெல்லாம் சும்மா கிளப்பிவிட்டது என்கிறார்கள் திரை வட்டாரத்தில்.
எருமை மாடு எங்க போச்சுன்னு கேட்டாளாம் ஒருத்தி.. அதுக்கு இன்னொருத்தி சொன்னாளாம் என் தலையில போச்சுன்னு.. அந்தக் கதையாவுல்ல இருக்கு!
Post a Comment