சென்னை: பரத் நடித்து வரும் புதிய படத்தின் பெயர் சிம்பா. சிம்பா என்றால் சிங்கக் குட்டி என்று அர்த்தமாம்.
பாய்ஸ் படம் மூலம் கோலிவுட் வந்தவர் பரத். அவருக்கு காதல் படம் திருப்புமுனையாக அமைந்தது. அவர் நடித்த எம் மகன் படம் பலரையும் கவர்ந்தது. பரத்திற்கு கடந்த சில ஆண்டுகளாக படங்கள் சரியாக ஓடவில்லை. அவர் நடிப்பில் கடைசியாக வெளியான படம் ஐந்தாம் தலைமுறை சித்த வைத்திய சிகாமணி ஆகும்.
இந்நிலையில் பரத் புதுமுக இயக்குனர் அரவிந்த் ஸ்ரீதர் இயக்கத்தில் நடித்து வருகிறார். படத்திற்கு சிம்பா என்று பெயர் வைத்துள்ளனர். படத்தில் பிரேம்ஜி அமரன் முக்கிய கதாபாத்திரத்தில் நடிக்கிறாராம். முக்கியமான கதாபாத்திரம் என்றால் சும்மா இல்லை பரத்துக்கு இணையான கதாபாத்திரமாம்.
வழக்கமாக அவரது அண்ணன் வெங்கட் பிரபு இயக்கத்தில் தான் முக்கியமான கதாபாத்திரங்களில் பிரேம்ஜி நடிப்பார். இந்நிலையில் பரத் படத்தில் வெயிட்டான கதாபாத்திரத்தில் வருகிறார்.
அது என்ன படத்தின் பெயர் சிம்பா என்று கேட்டால், சிங்கக் குட்டி என்று பதில் அளித்துள்ளனர். லயன் கிங் ஹாலிவுட் படத்தில் வரும் சிங்க ராஜாவின் பெயர் சிம்பா என்பது குறிப்பிடத்தக்கது.
Post a Comment