அஜீத்தின் 56வது படம் பெயர் வைக்கப்படாமலேயே இறுதிக் கட்டத்தை நெருங்கிக் கொண்டிருக்கிறது. அதற்கு வரம், வெட்டி விலாஸ் என்றெல்லாம் தலைப்புகள் மீடியாவில் உலவுகின்றன.
இந்த நிலையில் அஜீத்தின் 57வது படம் குறித்து பல தகவல்கள், யூகங்கள் வர ஆரம்பித்துள்ளன.
இந்தப் படத்தை அஜீத்தின் ஆஸ்தான தயாரிப்பாளர் ஏஎம் ரத்னம் தயாரிக்கவில்லை. மாறாக மூன்றாம் பிறை, பார்த்திபன் கனவு போன்ற படங்களைத் தந்த சத்யஜோதி பிலிம்ஸ் தயாரிக்கிறது.
படத்தை யாவரும் நலம், இப்போது சூர்யா நடிக்கும் 24 போன்ற படங்களின் இயக்குநர் விக்ரம் குமார் இயக்கப் போவதாகக் கூறப்படுகிறது. ஏற்கெனவே இருமுறை அஜீத்தைச் சந்தித்துப் பேசியுள்ள விக்ரம் குமார், இந்தப் படத்துக்கான திரைக்கதை உருவாக்கும் பணிகளில் இறங்கிவிட்டதாகச் சொல்கிறார்கள்.
இன்னொரு பக்கம், சதுரங்க வேட்டை படம் தந்த வினோத்தும் அஜீத்துக்காக ஒரு ஸ்கிரிப்ட் தயாரித்து வைத்துள்ளதாகவும், அதை சத்யஜோதி பிலிம்ஸ் ஓகே செய்திருப்பதாகவும் கூறப்படுகிறது.
இந்தப் படத்துக்கும் வழக்கம் போல அஜீத் 57 என பெயரிட்டிருக்கிறார்களாம்.
Post a Comment