ஜெயா டிவியில் தமிழ் புத்தாண்டு தினத்தை ஒட்டி சிறப்பு ஜாக்பாட் ஒளிபரப்பாகிறது. இதில் கும்கி பட நடிகர்களுக்கு வழக்கு எண் 18/9 பட நடிகர்களும் பங்கேற்று சுவாரஸ்யமாக விளையாடுகின்றனர்.
ஜெயா டிவியில் ஒளிபரப்பாகி வரும் ஜாக்பாட் நிகழ்ச்சியை நடிகை சிம்ரன் தொகுத்து வழங்குகிறார். நாளை தமிழ் புத்தாண்டை முன்னிட்டு ஒளிபரப்பாகும் சிறப்பு ஜாக்பாட் நிகழ்ச்சியில் கும்கி திரைப்படக் குழுவினரும், வழக்கு எண் 18/9 திரைப்படக் குழுவினரும் இரு அணிகளாக பங்கு பெற்றனர்.
ஒரு அணியில் கும்கி படத்தின் நாயகன் விக்ரம் பிரபு, நாயகி லட்சுமிமேனன், நடிகர் அஸ்வின் மற்றும் படத்தின் தயாரிப்பாளர் லிங்குசாமி ஆகியோரும் பங்கேற்கின்றனர்.
மற்றொரு அணியில் வழக்கு எண் 18/9 படத்தின் நாயகன் ஸ்ரீ, நாயகி மனிஷா யாதவ், தேசிய விருது பெற்ற ஒப்பனைக்கலைஞர் ராஜா, படத்தின் இயக்குனர் பாலாஜி சக்திவேல் ஆகியோரும் மோதுகின்றனர். இதில் வெற்றி பெரும் அணிக்கு சிறப்பு பரிசுகள் வழங்கப்படும். ஞாயிறு இரவு 8 மணிக்கு இந்த சிறப்பு ஜாக்பாட் நிகழ்ச்சியைக் காணலாம்.
Post a Comment