சென்னை: எழுபதுகளில் கலக்கிய நடிகை ஸ்ரீப்ரியா, இப்போது படம் இயக்க வருகிறார்.
எம்ஜிஆர், சிவாஜி, ரஜினி, கமல் உள்ளிட்ட டாப் நடிகர்களுடன் நடித்தவர் ஸ்ரீப்ரியா. ஸ்ரீதேவிக்கு இணையாக ரஜினியுடன் அதிகப் படங்களில் நடித்தவர்.
சினிமா இயக்குவது ஸ்ரீப்ரியாவுக்கு புதிதல்ல. ஏற்கெனவே சாந்தி முகூர்த்தம் என்ற படத்தை இயக்கியுள்ளார். கன்னடத்திலும் இரு படங்களை இயக்கியுள்ள ஸ்ரீப்ரியா, 5 சீரியல்களையும் இயக்கியுள்ளார்.
இப்போது மீண்டும் சினிமா இயக்க வருகிறார். மலையாளத்தில் வெளியான 22 ஃபீமேல் கோட்டயம் என்ற படத்தை தமிழில் ரீமேக் செய்கிறார் ஸ்ரீப்ரியா.
இந்தப் படத்தில் முக்கிய வேடத்தில் நடிக்கிறார் நித்யா மேனன். தமிழ், தெலுங்கில் உருவாகும் இந்தப் படத்தை ஜூலையில் ஆரம்பித்து, டிசம்பரில் வெளியிடத் திட்டமிட்டுள்ளாராம் ஸ்ரீப்ரியா.
Post a Comment