சென்னை: இன்று நடந்த சிகரம் தொடு இசை வெளியீட்டு விழா மேடையில், அன்புள்ள அப்பா என்ற பாடலை என்ற பாடலைப் பாடி நெகிழ வைத்தார் கேஜே ஜேசுதாஸ்.
கும்கி', ‘இவன் வேற மாதிரி', ‘அரிமா நம்பி' படங்களுக்குப் பிறகு, விக்ரம் பிரபு நடிக்கும் படம் சிகரம் தொடு. மோனல் காஜர் ஜோடியாக நடிக்கிறார். இப்படத்தை ‘தூங்கா நகரம்' கௌரவ் இயக்கி வருகிறார்.
இமான் இசையமைத்துள்ள இப்படத்தின் பாடல்களை இன்று காலை சத்யம் வளாகத்தில் வெளியிட்டனர்.
இதில் சிறப்பு விருந்தினராக கமல் ஹாசன், கே.ஜே.யேசுதாஸ், தனுஷ், விஜய் சேதுபதி, சிவகார்த்திகேயன் ஆகியோர் பங்கேற்றனர்.
இப்படத்தின் பாடல்களை கமல் ஹாசன் வெளியிட அதை கே.எஸ்.ரவிக்குமார் பெற்றுக் கொண்டார். படத்தின் டிரைலரை தனுஷ் மற்றும் யேசுதாஸ் வெளியிட்டனர்.
விழாவில் சிறப்பு அம்சமாக இமான் இசையில் இப்படத்தில் தான் பாடிய ‘அன்புள்ள அப்பா...' என்ற பாடலை மேடையில் பாடினார் ஜேசுதாஸ். அப்பா - மகன் உறவைச் சொல்லும் இந்தப் பாடல் கேட்பவை நெகிழ வைத்தது.
Post a Comment