தெலுங்கிலும் ஹோம்லி கேரக்டரில் ஜெயிப்பேன் என்று அஞ்சலி கூறினார். அவர் மேலும் கூறியதாவது: 'எங்கேயும் எப்போதும்' தெலுங்கிலும் ஹிட்டான பிறகு நிறைய வாய்ப்புகள் வருகிறது. முதலில் தமிழ் படங்களில் மட்டும் நடித்தால் போதும் என்று நினைத்தேன். ஆனாலும் சொந்த மொழியில் நடிக்கும் வாய்ப்பை விட, மனம் வரவில்லை. முதல் படத்திலேயே வெங்கடேஷின் முறைப் பெண்ணாக நடிக்கிறேன். குடும்ப பாங்கான பெண்ணாக வருகிறேன். தெலுங்கில் வெற்றி பெற கிளாமராக நடிக்க வேண்டும் என்பதில் உடன்பாடு இல்லை. அங்கேயும் ஹோம்லி கேரக்டரில் ஜெயிப்பேன். சில படங்களுக்கு பிறகு கிளாமராக நடிப்பேன். முதலிலேயே கிளாமராக நடித்துவிட்டால் பிறகு ஹோம்லியாக நடிப்பது சிரமம். இனி தமிழ், தெலுங்கு இரண்டு மொழிகளிலும் கவனம் செலுத்துவேன்.
Post a Comment