அமீர் இயக்கத்தில் உருவாகி பெரும் எதிர்பார்ப்பை கிளப்பி வரும் ஆதிபகவான் திரைப்படத்தின் சேட்டிலைட் உரிமையை சன் டிவி வாங்கியுள்ளது.
தமிழ் திரையுலகில் படத்தை ரிலீஸ் செய்வதற்கு ஒரு போட்டி ஏற்படுகிறது என்றால் அதன் சேட்டிலைட் உரிமையை யார் பெறுவது என்பதில் மற்றொரு போட்டி நிலவுகிறது. விரைவில் வெளியாக உள்ள ஆதிபகவான் படத்தின் சேட்டிலைட் உரிமையை சன் டிவி கைப்பற்றியுள்ளதாக தகவல்கள் வெளியாகியுள்ளன.
ஜெயம் ரவி, நீத்து சந்திரா ஆகியோரின் நடிப்பில் நீண்ட கால தயாரிப்பில் உள்ள படம் ஆதிபாகவான். இந்த திரைப்படத்தை அமீர் இயக்கியுள்ளார். சேப்பாக்கம் சட்டமன்றத் தொகுதியில் திமுக எம்.எல்.ஏ ஜெ.அன்பழகன் தயாரித்துள்ள இந்த திரைப்படத்திற்கு யுவன் சங்கர்ராஜா இசை அமைத்துள்ளார்.
வடசென்னையின் முக்கிய அம்சங்கள் இந்த படத்தில் இடம்பெற்றுள்ளதாம். இப்போது தணிக்கைத்துறையினர் கைவசம் படம் உள்ளது. பிப்ரவரி 14ம் தேதி ரிலீசாகும் என்று எதிர்பார்க்கப்படுகிறது.
படத்தில் சர்ச்சைக்குரிய காட்சிகள் இருப்பதால் தங்களுக்கு போட்டு காட்டவேண்டும் என்று பல்வேறு இந்து அமைப்பினர் எதிர்ப்பு காட்டி வருகின்றனர். விஸ்வரூபம் போல இந்த திரைப்படத்திற்கும் சிக்கல் வரலாம் என்று எதிர்பார்க்கப்படும் நிலையில் ஆதிபகவான் படத்தின் சேட்டிலைட் உரிமை சன் டிவி வசமாகியுள்ளது குறிப்பிடத்தக்கது.
Post a Comment