பாலிவுட்டின் முன்னணி இயக்குநர் ரோஹித் ஷெட்டி, நடிகர் ரஜினிகாந்தை நேரில் சந்தித்துப் பேசினார். ரஜினியை வைத்து நேரடி பாலிவுட் படம் இயக்கும் ஆசையை அவர் தெரிவித்ததாகக் கூறப்படுகிறது.
ஷாரூக்கான் - தீபிகா படுகோன் நடித்த சென்னை எக்ஸ்பிரஸ் படத்தை இயக்கியவர்தான் ரோஹித் ஷெட்டி. அந்தப் படத்தில் ரஜினிக்கு மரியாதை செலுத்தும் விதமாக அவர் உருவாக்கிய லுங்கி டான்ஸ் பாடலுக்குக் கிடைத்த வரவேற்பு உலகம் அறிந்தது.
சில தினங்களுக்கு முன் ஹைதராபாதிஸல் லிங்கா படப்பிடிப்பிலிருந்த ரஜினியை நேரில் சந்தித்தார் ரோஹித் ஷெட்டி. தான் அடுத்து இயக்கப் போகும் படத்தில் ரஜினி நடிக்க வேண்டும் என்று கேட்டுக் கொண்டாராம். அத்தோடு அவரிடம் கதையையும் சொல்லிவிட்டு வந்திருக்கிறார்.
ரஜினியின் அனைத்துப் படங்களும் இந்தியிலும் மொழிமாற்றம் செய்யப்பட்டு வெளியாகின்றன. ஆனாலும் அவர் நேரடியாக நடித்த கடைசி இந்திப் படம் புலந்தி. வெளியான ஆண்டு 2000.
தன் படத்தில் ரஜினி நடிப்பாரா? நடிப்பார் என்று அழுத்தமாக நம்புகிறார் ரோஹித் ஷெட்டி!
Post a Comment