கடந்த ஒருவாரகாலமாகவே ஊடகங்களில் அதிகம் இடம் பிடித்தது கவர்ச்சி நடிகை கிம் கர்தாஷியானாகத்தான் இருக்கும். அவரது கவர்ச்சி போஸ்கள் வெளியானதில் இருந்தே பரபரப்பு பற்றிக்கொண்டது.
அதே சூட்டோடு சூட்டாக அவர் டிவி நிகழ்ச்சி ஒன்றில் பங்கேற்க இந்தியா வருவதாக கூறப்படவே, ரசிகர்கள் அவரைக்காண ஆவலுடன் இருந்தனர். ஆனால் விசா பிரச்சனையால் கிம் கர்தாஷியான் வகை தற்போது ரத்தானதாக தெரிவிக்கப்பட்டுள்ளது.
தனியார் தொலைக்காட்சியில் நடிகர் சல்மான் கான் தொகுத்து வழங்கும் ரியலிட்டி ஷோவான 'பிக் பாஸ்' நிகழ்ச்சியில் சனிக்கிழமையன்று கலந்து கொள்வதற்காக அமெரிக்காவைச் சேர்ந்த மாடல் அழகியும் தொலைக்காட்சி நட்சத்திரமுமான கிம் கர்தாஷியன் நேற்று (வெள்ளிக்கிழமை) இந்தியா வருவதாக திட்டமிடப்பட்டிருந்தது.
இதனையொட்டி கிம் சார்பில் இருந்து ஒரு அறிக்கையும், நமஸ்தே இந்தியா என்ற தொடக்கத்துடன் வெளியிடப்பட்டது.இதனை தவிர பல்வேறு நிகழ்ச்சிகளிலும் அவர் பங்கேற்பதாக இருந்தது.
இந்த நிலையில் விசா தொடர்பாக ஏற்பட்ட பிரச்சினைகளால் அவரது பயணம் திடீரென ரத்து செய்யப்பட்டதாக அவரது தரப்பிலிருந்து தெரிவிக்கப்பட்டது.
பிக் பாஸ் நிகழ்ச்சியை கலர்ஸ் சேனல் நடத்துகிறது. சல்மான் கான் இதன் ஒருங்கிணைப்பாளராக இருக்கிறார் இந்நிகழ்ச்சியில் போட்டியாளர்களுடன் கலந்துரையாடுவதற்காக கிம் அழைக்கப்பட்டிருந்தார். ஆனால் அவரால் பங்கேற்க முடியாமல் போய்விட்டதுதான் ரசிகர்களுக்கு சோகமாகப் போய்விட்டது.
பிக்பாஸ்நிகழ்ச்சிக்கு பே வாட்ச் டி.வி நிகழ்ச்சி நடத்திய கவர்ச்சி நடிகை பமீலா ஆண்டெர்சன், டி வி நட்சத்திரம் ஜேட் குடி போன்றோரும் வந்து சிறப்பித்துள்ளனர் என்பது குறிப்பிடத்தக்கது.
Post a Comment