சென்னை: விஜய் நடிப்பில் நாளை மறுநாள் வெளியாகவிருக்கும் புலி திரைப்படத்துடன் எந்தத் தமிழ்ப் படமும் போட்டியிடாத நிலையில், வடநாட்டு சாமியார் நடிப்பில் வெளியான எம்எஸ்ஜி 2 திரைப்படம் தமிழில் வெளியாகிறது.
வட நாட்டில் பிரபலமான குர்மீத் ராம் என்னும் சாமியாரின் நடிப்பில் கடந்த ஆண்டு எம்.எஸ்.ஜி. (மெசேஞ்சர் ஆப் காட்) என்ற பெயரில் படமொன்று வெளியானது.
இவரே இயக்கி, அதில் இவரே நடிக்கவும் செய்திருந்தார். இதில் சாமியார் குர்மீத் ராம் அதிரடி ஆக்க்ஷன் ஹீரோவாக நடித்து அனைவருக்கும் அதிர்ச்சியை கொடுத்தார்.
மேலும் இந்தப் படத்தை தமிழிலும் டப் செய்து வெளியிட்டார். தற்போது அடுத்த அதிர்ச்சியாக இவரது நடிப்பில் சமீபத்தில் வெளியான எம்எஸ்ஜி 2 திரைப்படத்தை தமிழில் டப் செய்து வெளியிடுகிறார்.
இதில் கவனிக்க வேண்டிய விஷயம் என்னவென்றால் விஜயின் புலி திரைப்படம் வெளியாகும், அதே நாளில் சாமியார் தனது படத்தை வெளியிடுவது தான்.
எம்எஸ்ஜி 2 படத்தின் அதிரடியான டிரெய்லர் சமீபத்தில் வெளியாகி பெரும் பரபரப்பை ஏற்படுத்தியது குறிப்பிடத்தக்கது.
இதெல்லாம் தானா நடக்குதா? இல்லை திட்டம் போட்டு செய்றாங்களா...
+ comments + 1 comments
I have watched MSG 2 - The Messenger today. And the word i got to mention here is "Fantastic" movie it is. Truly I'm amazed to see an movie fully packed with action, drama, lovely music and nail biting stunts. Great work 👍
Post a Comment