பாலிவுட் நடிகை கத்ரீனா கைப் இன்று தனது 28வது பிறந்தநாளைக் கொண்டாடுகிறார்.
பாலிவுட் நடிகை கத்ரீனா கைப் கடந்த 1984ம் ஆண்டு ஜூலை மாதம் 16ம் தேதி பிறந்தார். கடக ராசிக்காரரான அவருக்கு இந்த ஆண்டு எப்படி இருக்கும் என்று ஜோதிடர் பவிக் சங்க்வி கூறுகையில்,
இந்த ஆண்டு கத்ரீனாவுக்கு சொந்த விஷயத்திலும் சரி, தொழில் விஷயத்திலும் சரி அமோகமாக இருக்கும். அவரது படங்கள் ஏக் தா டைகர் மற்றும் யஷ் சோப்ராவின் பெயரிடப்படாத படமும் பெரிய ஹிட்டாகும். இந்த ஆண்டு அவர் தனது மனதுக்கு நெருக்கமாகப் போகும் ஒருவரை சந்திப்பார். அந்த நபருடன் தனது வாழ்க்கையை பகிர்ந்து கொள்ள நினைப்பார்.
கத்ரீனா மரகதம் மற்றும் முத்துக்கள் பதித்த வெள்ளி சங்கிலி அணிந்தால் அவருக்கு மன அமைதி கிடைக்கும். மேலும் தேவையில்லாமல் காலதாமதமாகும் விஷயங்களும் நல்லபடியாக நடக்கும் என்றார்.
கத்ரீனா கைப் தற்போது சல்மான் கானுடன் சேர்ந்து ஏக் தா டைகர் என்ற படத்தில் நடித்து வருகிறார். இந்த படம் வரும் ஆகஸ்ட் 15ம் தேதி ரிலீஸ் ஆகிறது.
பிறந்தநாள் வாழ்த்துக்கள் கத்ரீனா...
Post a Comment