கமல் ஹாஸனின் விஸ்வரூபம் படத்தின் இசை வெளியீட்டு நிகழ்ச்சியை ஒளிபரப்பும் உரிமையை ஜெயா டிவி பெற்றுள்ளது.
ஆனால் இதில் ஜெயா டிவிக்காக தொழில்நுட்பப் பணிகளை ஒருங்கிணைத்து செய்து கொடுப்பவர்.. விஜய் டிவியின் தலைமைப் பொறுப்பில் உள்ள மகேந்திரனாம்!!
பொதுவாக விஜய் தொலைக்காட்சியுடன் வேறு சேனல்கள் ஒத்துப் போவதில்லை. தொழில்போட்டியில் இது சகஜம் என்பது எல்லோருக்குமே தெரியும்.
ஆனால் விஜய் டிவியின் தலைமைப் பொறுப்பில் உள்ள மகேந்திரன், இப்போது ஜெயா டிவிக்காக மதுரை, கோவைக்கெல்லாம் போய், கமல்ஹாஸனின் விஸ்வரூபம் பட இசை வெளியீட்டு நிகழ்வை படமாக்குவதிலும், ஒளிபரப்பும் பணியிலும் ஈடுபட்டு வருகிறாராம்.
இதென்ன புதுசா இருக்கே... ஜெயா டிவியில் டெக்னீஷியன்கள் பஞ்சமா அல்லது விஜய் டிவியுடன் கூட்டணி வைத்து இந்த நிகழ்ச்சியை நடத்துகிறார்களா.. அல்லது மகேந்திரனே மாறி வரப் போகிறாரா? என்பது விஷயம் தெரிந்த பணியாளர்கள் அடிக்கும் கமெண்ட்!
Post a Comment