'ஈசன்' பட பாடல் வெளியீட்டு விழாவில், 5 மாநிலங்களை சேர்ந்த இயக்குனர்கள் பங்கேற்கிறார்கள். கம்பெனி புரொடக்ஷன்ஸ் சார்பில், சசிகுமார் தயாரித்து இயக்கும் படம் 'ஈசன்'. சமுத்திரகனி, வைபவ், அபிநயா, அபர்ணா உட்பட பலர் நடிக்கின்றனர். இந்த படத்தின் பாடல் வெளியீட்டு விழா, வரும் 19&ம் தேதி சென்னையில் நடக்கிறது. இதில், இந்திப்பட இயக்குனர் அனுராக் காஷ்யப், தெலுங்கு பட இயக்குனர் த்ரிவிக்ரம், கன்னட இயக்குனர் ஜோக்ராஜ் பட், மலையாள இயக்குனர் ரஞ்சித், தமிழ் இயக்குனர்கள் பாலா, அமீர் ஆகியோர் கலந்துகொள்கின்றனர். 'இந்திய சினிமாவில் உள்ள முக்கியமான இயக்குனர்களை இணைக்க திட்டமிட்டேன். அதன் முதல்படியாக, எனது பட பாடல் வெளியீட்டு விழாவில் அவர்கள் கலந்துகொள்கின்றனர்' என்றார் சசிகுமார்.
Source: Dinakaran
Post a Comment