தெலுங்கு சூப்பர் ஹீரோ நாகர்ஜூனா தனது ‘டமருகம்' படத்தை அக்டோபர் 12 ம் தேதி ரிலீஸ் செய்ய திட்டமிட்டுள்ளார். அதே தேதியில் சூர்யா இரட்டை வேடத்தில் நடித்த ‘பிரதர்' படம் ஆந்திராவில் வெளியாகிறது. இதனால் சூர்யாவிற்கும் நாகர்ஜூனாவிற்கும் போட்டி ஏற்படும் என்று தெரிகிறது.
நாகர்ஜூனா உடன் அனுஷ்கா ஜோடியாக நடித்துள்ள ‘டமருகம்' திரைப்படம் அக்டோபர் 11 ம் தேதி ரிலீஸ் ஆகும் என்று முன்னர் அறிவிக்கப்பட்டிருந்தது. இந்த நிலையில் ஒருநாள் பின்னதாக அக்டோபர் 12 ம் தேதி ரிலீஸ் செய்யலாம் என்று நாகர்ஜூனா கூறிவிட்டாராம். அந்த தேதியில்தான் சூர்யா, காஜல் அகர்வால் நடித்த பிரதர் ( மாற்றான்) திரைப்படம் ஆந்திராவில் ரிலீஸ் ஆகிறது.
‘டமருகம்' படம் 40 கோடி ரூபாய் பட்ஜெட்டில் பிரம்மாண்டமாக தயாரிக்கப்பட்டுள்ளது. சீனிவாசரெட்டி இயக்கியுள்ள இந்த திரைப்படத்திற்கு தேவி ஸ்ரீ பிரசாத் இசை அமைத்திருக்கிறார்.
Post a Comment