சென்னை: கோலிவுட்டில் இயக்குனர் ஏ.ஆர் முருகதாஸின் தயாரிப்பு நிறுவனமான ஏ.ஆர்.எம் புரொடக்சனும், பாக்ஸ் ஸ்டார் நிறுவனமும் இணைந்து தயாரித்து வருகின்ற படம் " ரங்கூன்".
இதில் நாயகனாக கார்த்திக்கின் மகனும், "கடல்" கதாநாயகனுமான கவுதம் கார்த்திக் நடித்துள்ளார் மேலும் பலமுன்னணி நட்சத்திரங்கள் நடிக்கின்றனர். இப்படத்தை ராஜ்குமார் பெரியசாமி இயக்குகிறார். இவர் ஏ.ஆர் முருகதாசிடம் இணை இயக்குனராக பணியாற்றியவர்.
ரங்கூன் படம் பற்றி அவர் கூறும்போது, "இது இளைஞர்களை பற்றிய இளைஞர்களுக்கான படம். கவுதம் கார்த்திக் இளைஞர்களின் அப்பட்டமான பிரதி நிதியாவார். அவரது உற்சாகமும் வேகமும் படத்துக்கு உயிர் கொடுக்கும். ரங்கூன் நிச்சயம் பேசப்படும் படமாக இருக்கும்" என்று தெரிவித்துள்ளார்.
இப்படத்திற்கு இசையமைப்பாளராக அனிருத்தும், ஒளிப்பதிவாளராக எம்.சுகுமாரும் பணியாற்றி வருகின்றனர்.
Post a Comment