காந்தியை சுட்டுக் கொன்ற கோட்சேவின் வாழ்க்கையை திரைப்படமாக இயக்குகிறார் ஷாஜி கைலாஷ். கோட்சேவாக பிருத்விராஜ் நடிக்கிறார். இதுபற்றி ஷாஜி கைலாஷ் கூறியதாவது: கோட்சே பற்றி படம் இயக்க வேண்டும் என்பது என் நீண்ட நாள் கனவு. இதன் திரைக்கதையை பல வருடங்களுக்கு முன்பே எழுதிவிட்டேன். இப்போதுதான் அதை இயக்கும் வாய்ப்பு வந்திருக்கிறது. படத்தின் பெயரும் 'கோட்சே'தான். கோட்சே காந்தியை சுட்டுக் கொல்வதற்கு முந்தைய அவன் வாழ்க்கை, அவனது குணநலன்கள், குடும்பம், அவனது கூட்டாளிகள், அவனது சைக்காலஜி ஆகியவற்றைக் அடிப்படையாக கொண்டு திரைக்கதை அமைத்து இயக்குகிறேன். பிருத்விராஜ் தவிர மற்றவர்கள் புதியவர்கள். ஒரே திரைப்படத்துக்குள் 5 கதைகள் சொல்லும் முயற்சி இது. அதில் ஒன்றுதான் கோட்சே. இன்னொரு கதை, நக்சலைட்டுகள் பற்றியது. மற்றது மாவோயிஸ்டுகள் பற்றியது. மற்ற இரண்டு கதைகள் பற்றி இப்போது சொல்ல இயலாது. 5 கதைகளும் இணைந்து ஒரே திரைப்படமாக வெளிவரும். இந்தப் படத்துக்குப் பிறகு தமிழ்ப் படம் ஒன்றை இயக்க இருக்கிறேன்.
Post a Comment