சந்தானத்தின் இனிமே இப்படித்தான் படத்தை கடைசி நேரத்தில் தனது பேனரில் வெளியிடுகிறார் உதயநிதி ஸ்டாலின்.
சந்தானமும்-உதயநிதி ஸ்டாலினும் நெருங்கிய நண்பர்கள். உதயநிதி அறிமுகமான ‘ஒரு கல் ஒரு கண்ணாடி'யிலிருந்து, இப்போது வெளிவந்த ‘நண்பேன்டா' படம் வரை உதயநிதியின் வெற்றிக்கு உறுதுணையாக இருந்து வருகிறார் சந்தானம்.
அந்த நன்றிக்கு கைமாறு செய்யும் வகையில் உதயநிதி தற்போது சந்தானத்துக்கு கைகொடுத்து உதவியுள்ளார்.
சந்தானம் நடிப்பில் உருவாகியுள்ள ‘இனிமே இப்படித்தான்' படம் இந்த வாரம் வெளியாகிறது. இந்தப் படத்தை சந்தானம் தனது சொந்த நிறுவனமான ஹேன்ட் மேட் பிக்சர்ஸ் மூலம் தயாரித்துள்ளார். இப்படத்தை வாங்கி வெளியிட யாரும் முன்வராத நிலையில், சந்தானமே வெளியிடப் போவதாக அறிவித்திருந்தார் சந்தானம்.
இந்நிலையில், ‘இனிமே இப்படித்தான்' படத்தை உதயநிதி தனது ரெட் ஜெயன்ட் மூவிஸ் நிறுவனம் மூலம் வாங்கி வெளியிடுகிறார்.
சொந்தப் படம் எடுத்தாலும், அதை தனியாக வெளியிடுவதில் உள்ள சிரமம் புரிந்து, தன் கட்டுப்பாட்டில் உள்ள அரங்குகளில் படத்தை வெளியிட்டு உதவுகிறார் உதயநிதி.
Post a Comment