6/1/2011 12:12:11 PM
’180′ படத்தில் சித்தார்த் ஜோடியாக நடிக்கிறார், பிரியா ஆனந்த். படம் பற்றி அவர் கூறியதாவது: தமிழில் ‘வாமனன்’, ‘புகைப்படம்’ படங்களில் நடித்தேன். தெலுங்கில் ‘லீடர்’ படத்தில் அறிமுகமானேன். அங்கு வரவேற்பு கிடைத்தது. அதில் என் நடிப்பை பார்த்து தமிழ், தெலுங்கில் உருவாகும் ’180′ பட வாய்ப்பு. இதில் வெளிநாட்டில் வாழும் இந்திய பெண்ணாக நடிக்கிறேன். நான் பங்கேற்ற காட்சிகள் நியூயார்க்கில் நடந்தது. அங்கு ஷூட்டிங் நடந்ததை மறக்க முடியாது. இந்தப் படம் மூலம் சித்தார்த்தும் இயக்குனர் ஜெயந்திராவும் என்னை வேறொரு இடத்துக்கு கொண்டு சென்றிருக்கிறார்கள். விருது படங்களில் நடிப்பீர்களா என்கிறார்கள். ஏன் நடிக்க கூடாது? தெலுங்கில் அதிகமாக கமர்சியல் படங்கள்தான் எடுக்கப்படுகின்றன. ரசிகர்கள் எதை விரும்புகிறார்களோ, அதை கொடுக்கிறார்கள். தமிழ், மலையாளத்தில் பரீட்சார்த்த முறையிலான படங்கள் வெளியாகின்றன. அதனால்தான் தமிழ், மலையாள படங்களுக்கு அதிக விருதுகள் கிடைக்கிறது. அப்படியொரு படத்தில் நடிக்க வாய்ப்பு வந்தால், கண்டிப்பாக நடிப்பேன்.
Post a Comment