'3' படத்தில் சிறப்பாக நடித்திருந்ததால் ஸ்ருதி ஹாசனுக்கு இந்திப் பட வாய்ப்பு கிடைத்துள்ளது.ரஜினி மகள் ஐஸ்வர்யா இயக்கத்தில் தனுஷ், ஸ்ருதிஹாசன் நடித்த படம், '3'. இந்தப் படத்தில் இடம்பெற்ற 'கொலவெறி' பாடல் பரவலாக பேசப்பட்டது. இந்தப் படத்தைப் பார்த்த இந்தி பட இயக்குனர் நிகில் அத்வானி, தனது இந்தி படத்துக்கு ஸ்ருதியை தேர்வு செய்துள்ளார். இந்தியில் ஏற்கனவே 'லக்', 'தில் தோ பச்சா ஹை ஜி' படங்களில் நடித்திருந்தாலும் '3' படம் தான் அவரை பாதித்ததாக நிகில் தெரிவித்துள்ளார். 'ஹீரோயின் தேடிக்கொண்டிருக்கும்போது தற்செயலாக தமிழ்ப் படமான '3' ஐ பார்க்க நேரிட்டது. இதில் ஸ்ருதியின் நடிப்பு சிறப்பாக இருந்தது. நிகில் இயக்கும் படத்தில் ஆக்ஷன் காட்சிகள் இருக்கின்றன. இந்த காட்சிகள் நம்பும்படியாக இருக்க, ஸ்ருதி பொருத்தமாக இருப்பார் என்று நிகில் நினைத்தார். இதையடுத்து அவரை ஒப்பந்தம் செய்தோம்' என்று நிகில் தரப்பில் தெரிவிக்கப்பட்டது. நிகில் அத்வானி படத்தில் அர்ஜுன் ராம்பால், இர்பான் ஹீரோக்களாக நடிக்கின்றனர். இன்னொரு ஹீரோயினாக ஹுமா குரேஸி நடிக்கிறார்.
Post a Comment