ஒரே படத்தில் மோகன்லாலுடன் 4 ஹீரோயின்கள் நடிக்கின்றனர். இரண்டு ஹீரோயின்கள் நடிக்கும் படங்களிலேயே பிரச்னை என்பது வாடிக்கையாகிவிட்டது. இந்நிலையில் 4 ஹீரோயின்களை வைத்து படம் இயக்குகிறார் மலையாள இயக்குனர் சித்திக். தமிழில் கடைசியாக காவலன் படத்தை சித்திக் இயக்கினார். அதே படத்தை இந்தியில் சல்மான் கான் நடிப்பில் பாடிகாட் பெயரில் ரீமேக் செய்தார். பின் மீண்டும் பாலிவுட் படம் இயக்கும் முயற்சியில் அவர் ஈடுபட்டிருந்தார். இந்நிலையில் மலையாள படத்தையே இயக்க அவர் முடிவு செய்துள்ளார். மலையாளத்தில் உருவாகும் இப்படத்துக்கு 'லேடிஸ் அண்ட் ஜென்டில்மேன் என பெயரிடப்பட்டுள்ளது. மோகன்லால் ஹீரோ. மீரா ஜாஸ்மின், மம்தா மோகன்தாஸ், பத்மப்ரியா, மித்ரா குரியன் ஆகியோர் ஹீரோயின்கள். இது பற்றி சித்திக் கூறும்போது, 'இன்றைய இளைய சமுதாயம் எந்த விதமான பிரச்னைகளை சந்திக்கிறது என்பதுதான் கதை. வாழ்க்கையில் தன்னம்பிக்கையும், நேர்மறையான எண்ணங்களும் எவ்வளவு முக்கியம் என்பதை வலியுறுத்தும். மோகன்லாலை சுற்றி கதை சுழல்கிறது. ஐ.டி கம்பெனியில் பணியாற்றும் மம்தா, மித்ரா, கம்பெனி சிஇஓ மீரா, விமான பணிப்பெண்ணாக பத்மப்ரியா என வெவ்வேறு பணிகளில் இருக்கும் இளம்பெண்களை மோகன்லால் எவ்வாறு ஒன்றிணைக்கிறார் என்று கதை செல்லும். கொச்சியின் பல பகுதிகளில் ஷூட்டிங் நடக்க உள்ளது என்றார்.
Post a Comment