சென்னை : லைம்லைட் சினிமா சார்பில் டி.கிரண்குமார் தயாரிக்கும் படம், 'சொல்லத்தான் நினைத்தேன்'. ஷ்ரவன், மோனல் கஜ்ஜார், ஆர்த்திபூரி நடிக்கின்றனர். கதை எழுதி, இசையமைத்து டி.பிரபாகர் இயக்குகிறார். திரைக்கதை எழுதியுள்ள லோக்சந்தர் கூறியதாவது: மருத்துவக் கல்லூரியில் நடந்த உண்மைச் சம்பவத்தை மையமாக வைத்து படம் உருவாகியுள்ளது. பெற்றோர்கள் தங்கள் பிள்ளைகள் மீது நம்பிக்கை வைத்து, படிக்க அனுப்புகின்றனர். அவர்களின் எதிர்பார்ப்புகளை நிறைவேற்ற வேண்டிய பொறுப்பும், கடமையும் அவர்களுக்கு இருக்கிறது என்பதை படம் வலியுறுத்தும். சென்சார் அதிகாரிகள், 2 கட்டு கொடுத்து, யு/ஏ சான்றிதழ் அளித்துள்ளனர். அடுத்த மாதம் ரிலீஸ் ஆகிறது.
Post a Comment