சென்னை : 'துப்பாக்கி' படத்தை இந்தியில் ரீமேக் செய்கிறார் இயக்குனர் ஏ.ஆர்.முருகதாஸ். விஜய், காஜல் அகர் வால் நடித்த படம், 'துப்பாக்கி'. ஏ.ஆர்.முருகதாஸ் இயக்கி இருந்த இந்த படம் ஹிட்டானது. இதையடுத்து இதை இந்தியில் ரீமேக் செய்கிறார் முருகதாஸ். விபுல் ஷா தயாரிக்கும் இந்தப் படத்தில் அக்ஷய் குமார் ஹீரோவாக நடிக்கிறார். அவர் ஜோடியாக பரினீதி சோப்ரா நடிக்கிறார். அடுத்த மாதம் ஷூட்டிங் தொடங்கும் என்று தெரிகிறது. 'துப்பாக்கி' கதையை முதலில் அக்ஷய்குமாரிடம்தான் முருகதாஸ் சொன்னார். அவரால் உடனடியாக கால்ஷீட் தர இயலாததால், விஜய் நடிப்பில் தமிழில் இதை இயக்கினார்.
Post a Comment