லட்சுமிராய் நடிப்பதாக இருந்த வாய்ப்பு பெங்களூர் மாடல் அழகி பார்வதிக்கு கைமாறியது. சமுத்திரகனி இயக்கும் படம் 'நிமிர்ந்து நில். ஜெயம் ரவி ஹீரோ. இதே படம் தெலுங்கில் நானி நடிக்க உருவாகிறது. இதில் கவுரவ வேடம் ஒன்றில் நடிக்க லட்சுமிராய்க்கு வாய்ப்பு சென்றது. அந்த வாய்ப்பு தற்போது பெங்களூர் மாடல் அழகி பார்வதி நாயருக்கு கைமாறியது. இது பற்றி பார்வதி கூறும்போது, 'ஹீரோவின் காதலியாக நடிக்கிறேன். எனக்கு மிகவும் பிடித்த வேடம் மட்டுமல்ல. எனக்கு பெருமையை தரக்கூடிய படமாக கருதுகிறேன். இதற்கிடையில் கன்னடத்தில் 'பரபிரம்ஹா என்ற படத்தில் நடிக்கிறேன். 2012ம் ஆண்டு எனக்கு நல்லவிதமாக அமைந்தது. டிசம்பர் மாதம் நான் நடித்த 2 மலையாள படங்கள் ரிலீஸ் ஆகிறது. இதுதவிர சில கன்னட படங்களிலும் நடித்து வருகிறேன். விரைவில் தமிழ், இந்தியில் தயாராகும் படத்தில் நடிக்க உள்ளேன். இதற்குமேல் வேறென்ன எனக்கு வேண்டும் என்றார்.
Post a Comment