கிசு கிசு -நடிகை கவலை…நடிகர் பயம்…

நடிகை கவலை…நடிகர் பயம்…
2/26/2011 10:47:58 AM

நல்ல காலம் பொறக்குது…
நல்ல காலம் பொறக்குது…

தமிழ்ப் பட நடிகருக்கு திடீர் திருமணம்னு வந்த செய்தியை பார்த்து நடிகர் பதறிட்டாராம்… பதறிட்டாராம்… 'இதுக்கெல்லாம் நடிகைங்கதான் பயப்படுவாங்க. நீ ஏன் கவலப்படுறேÕன்னு நண்பருங்க ஆறுதல் சொன்னாங்களாம்… சொன்னாங்களாம்… 'எனக்கு யாரோடும் காதல் இல்லை. இன்னும் 2 வருஷத்துக்கு கல்யாணம் கிடையாது. யாரோ கிளப்பிவிடுறாங்கÕன்னு அவசர அவசரமா ஸ்டேட்மென்ட் விடுறாராம்… விடுறாராம்..
பெல் நடிகை ரொம்பவே கவலையில இருக்க¤றாராம்… இருக்க¤றாராம்… 'நிறைய ஹீரோக்களோடு நடிச்சாலும் இன்னும் டாப் ஹீரோவோடு சோலோ ஜோடியாவோ, பெரிய பட்ஜெட் படத்திலோ நடிக்க முடியலங்கிறதுதான் கவலைக்கு காரணமாம்… காரணமாம்… இனிமே அதுக்கான முயற்சியில இறங்கப்போறேன்னு நெருங்கியவங்ககிட்ட சொல்றாராம்… சொல்றாராம்…
அபிஷேகமான நடிகர் திடீர்ன்னு டைரக்டர் அவதாரம் எடுத்து, ஸ்டோரிங்கிற பெயர்ல படத்தை இயக்கினாரு. படம் ஓடாம தயாரிப்புக்கு கைய கடிச்சிது. Ôஇந்த படம் போனா பரவாயில்லை. அடுத்த படத்தை தமிழ், இந்தியில ஒரே நேரத்துல இயக்கி பேர் எடுப்பேன்Õனு சொல்றாராம்… சொல்றாராம்… இதுக்கு தோதான தயாரிப்புக்கு வலை வீசுறாராம். நடிகரை பார்த்தாலே தயாரிப்புங்க பயந்து ஓடுறாங்களாம்… ஓடுறாங்களாம்…

Source: Dinakaran

Read more »

அகராதி பாடல் காட்சிக்கு எதிர்ப்பு

அகராதி பாடல் காட்சிக்கு எதிர்ப்பு

2/26/2011 10:16:04 AM

வர்னிகா மூவி மேக்கர்ஸ், கே.எஸ்.பிலிம்ஸ் இணைந்து தயாரிக்கும் படம், 'அகராதி'. பிரதீப், மோனிகா, ஓவியா நடிக்கின்றனர். படத்தை இயக்கும் நாகா வெங்கடேஷ், நிருபர்களிடம்  கூறியதாவது: படத்தின் அனைத்துப் பணிகளும் முடிந்து விட்டது. சென்சார் குழுவினர், முதலில் 'யு' சான்றிதழ் அளித்தனர். பிறகு வாலி எழுதி பிரதீப், அர்ச்சனா நடித்த ஒரு பாடல் காட்சியை பார்த்துவிட்டு, 'ஏ' சான்றிதழ் கொடுத்தனர். நாய் வரும் காட்சிக்கும் எதிர்ப்பு வந்தது. பிறகு போராடி, யு/ஏ சான்றிதழ் பெற்றோம். கிரைம், பேமிலி சென்டிமென்ட் கலந்து உருவாகியுள்ள இப்படம், மார்ச் 4-ம் தேதி ரிலீசாகிறது. அண்ணன், தங்கையின் பாசத்தை சொல்லும் இக்கதை, கிளைமாக்ஸில் தடாலென மாறும். அண்ணனாக பவன், தங்கையாக மோனிகா நடித்துள்ளனர்.

Source: Dinakaran

Read more »

இசை அமைப்பாளர்கள் சங்க பொன் விழா

இசை அமைப்பாளர்கள் சங்க பொன் விழா

2/26/2011 10:15:13 AM

திரைப்பட இசைக் கலைஞர்கள் சங்கப் பொன்விழா, சென்னையில் அடுத்த மாதம் 5-ம் தேதி நடக்கிறது. இதுபற்றி இச்சங்கத்தின் தலைவர் கல்யாணசுந்தரம், செயலாளர் சங்கரன், பொருளாளர் ராஜா ஆகியோர் நிருபர்களிடம் கூறியதாவது: திரைப்பட இசைக் கலைஞர்கள் சங்கத்தின் பொன்விழா நிகழ்ச்சி மார்ச் 5-ம் தேதி காலை தொடங்கி இரவுவரை நடக்கிறது. விழாவில் 50 இசையமைப்பாளர்கள், பின்னணி பாடகர், பாடகிகள், 250 இசைக்கலைஞர்கள், இயக்குனர்கள், நடிகர், நடிகைகள் கலந்துகொள்வார்கள். எம்.எஸ்.விஸ்வநாதன்-ராமமூர்த்தி, இளையராஜா முதல் ஜி.வி.பிரகாஷ்குமார் வரை அனைத்து இசையமைப்பாளர்களும் இதில் கலந்து கொள்கிறார்கள். இவ்விழாவுக்காக, 7 பேர் கொண்ட கமிட்டி அமைக்கப்பட்டுள்ளது. விழா நடைபெறும் இடம் இன்னும் முடிவாகவில்லை.

Source: Dinakaran

Read more »

மும்பை தீவிரவாத சம்பவ கதையில் கணேஷ்

மும்பை தீவிரவாத சம்பவ கதையில் கணேஷ்

2/26/2011 10:13:37 AM

'அபியும் நானும்', 'உன்னைப்போல் ஒருவன்' படங்களில் நடித்தவர் கணேஷ் வெங்கட்ராம். இவர் இப்போது 'கூச் லாக்' என்ற இந்திப் படத்தில் நடிக்கிறார். இது மும்பையில் நடந்த தீவிரவாத சம்பவ கதை. முழுக்க லக்னோவில் நடக்கும் இக்கதையில் அனுபம் கெர், ரதி அக்னிகோதாரி உட்பட பலர் நடிக்கின்றனர். சுஜா அலி இயக்குகிறார். இந்தியில் நடிப்பது பற்றி கணேஷ் கூறும்போது, 'கமல், அமிதாப், மோகன்லாலுடன் நடித்துவிட்டேன். தொடர்ந்து தென்னிந்திய படங்களில்தான் கவனம் செலுத்தி வந்தேன். இப்போது முதன்முதலாக இந்திப் பட வாய்ப்பு வந்துள்ளது. தமிழகத்தைச் சேர்ந்தவன் என்றாலும் மும்பையில்தான் வளர்ந்தேன். அதனால் இந்திப் படத்தில் சிறப்பாக நடிக்க முடியும் என நினைக்கிறேன்' என்றார்.

Source: Dinakaran

Read more »

ஹீரோ ஆனார் ஸ்ரீதேவி உறவினர்

ஹீரோ ஆனார் ஸ்ரீதேவி உறவினர்

2/26/2011 10:16:46 AM

முன்னாள் ஹீரோயின் ஸ்ரீதேவியின் அக்கா, சூர்யகலா மகன் கார்த்திக். 'கருத்தம்மா'வில் அறிமுகமான மகேஸ்வரியின் தம்பி. 'நடுநிசி நாய்கள்' படத்தில் இரண்டு ஹீரோக்களில் ஒருவராக நடித்துள்ள இவர், தேவா என்று தன் பெயரை மாற்றியுள்ளார். நிருபர்களிடம் அவர் கூறியதாவது: சென்னையில் என்ஜினீயரிங் முடித்து விட்டு, வெளிநாட்டில் எம்.பி.ஏ படித்தேன். நடிப்பு ஆர்வத்தால்,  கவுதம் வாசுதேவ் மேனனிடம் உதவியாளர் ஆனேன். 'நடுநிசி நாய்கள்' படத்தில் போலீஸ் அதிகாரி கேரக்டரில் நடித்துள்ளேன். தொடர்ந்து நடிக்க விரும்புகிறேன். இயக்குனராகும் எண்ணம் தற்போது இல்லை.

Source: Dinakaran

Read more »

மாஜி கணவர் மீது ஊர்வசி வழக்கு

மாஜி கணவர் மீது ஊர்வசி வழக்கு

2/26/2011 10:22:27 AM

நீதிமன்ற உத்தரவுப்படி ஆற்றுக்கால் பொங்கல் விழாவுக்கு மகளை அனுப்பாத, மனோஜ் கே ஜெயின் மீது, ஊர்வசி நீதிமன்ற அவமதிப்பு வழக்கு தொடர்ந்துள்ளார். ஊர்வசியும் மனோஜ் கே ஜெயினும் விவாகரத்து பெற்று பிரிந்து வாழ்கின்றனர். இவர்களுக்கு 10 வயதில் ஒரு மகள் உள்ளார். அவர் தற்போது நீதிமன்ற உத்தரவுபடி மனோஜ் கே ஜெயின் பராமரிப்பில் வளர்ந்து வருகிறார். வாரத்தில் 2 நாட்கள் மகளை ஊர்வசி பார்த்துக்கொள்ள நீதிமன்றம் அனுமதி வழங்கியுள்ளது. இந்நிலையில் கடந்த வாரம் ஆற்றுக்கால் பகவதியம்மன் கோயில் பொங்கல் விழாவுக்குச் செல்வதற்காக பிப். 18 முதல் 20 வரை மகளை தன்னுடன் அனுப்பவேண்டும் என ஊர்வசி கொச்சி குடும்ப நல நீதிமன்றத்தில் வழக்கு தொடர்ந்தார். இதன்படி குழந்தையை அனுப்புமாறு மனோஜுக்கு நீதிமன்றம் உத்தரவிட்டது. ஆனால் அவர் குழந்தையை ஊர்வசியிடம் ஒப்படைக்கவில்லை எனக் கூறப்படுகிறது. இதையடுத்து மனோஜ் மீது ஊர்வசி கொச்சி உயர்நீதிமன்றத்தில் நீதிமன்ற அவமதிப்பு வழக்கு தொடர்ந்துள்ளார்.

Source: Dinakaran

Read more »

கதகளி பயிற்சியில் டாப்ஸி

கதகளி பயிற்சியில் டாப்ஸி

2/26/2011 10:42:51 AM

'வந்தான் வென்றான்Õ படம் பற்றி இயக்குனர் கண்ணன் கூறியது: பிடிவாதமான ஒரு வாலிபனும் இளம்பெண்ணும் தங்கள் லட்சியங்களை, வாழ்க்கையில் எதையுமே இழக்காமல் எப்படி அடைக்கின்றனர் என்பதுதான் கரு. ஜீவா, டாப்ஸி ஜோடி. இதன் ஷூட்டிங் இப்போது மைசூர் மேல்கோட்டை காட்டுப் பகுதியில் நடக்கிறது. இதற்கு வனத்துறையிடம் சிறப்பு அனுமதி பெற்றிருக்கிறோம். மரம் வெட்டக்கூடாது,
தீ மூட்டக்கூடாது என்று நிறைய நிபந்தனைகளுடன் ஷூட்டிங் நடக்கிறது. இதற்காக கேரளாவிலிருந்து பெண் நடன கலைஞர்கள் அடங்கிய கதகளி மற்றும் களறி குழுவினர் 20 பேர் வரவழைக்கப்பட்டுள்ளனர். தினேஷ் மாஸ்டர் அமைக்கும் இந்த நடன காட்சி பேசப்படுவதுடன், படத்துக்கு ஹைலைட்டாக இருக்கும். கேரள பெண்கள் ஆடும் பாரம்பரிய நடனமும் இடம்பெறுவதால், அதற்காக பயிற்சி பெற கேரளா செல்கிறார் ஹீரோயின் டாப்ஸி. தகுதி வாய்ந்த ஆசிரியரிடம் முறைப்படி கதகளி பயிற்சி பெற்ற பிறகே ஷூட்டிங்கில் பங்கேற்கிறார். இதையடுத்து மும்பையில் பாந்த்ரா, ஒராளி பகுதியில் அமைக்கப்பட்டுள்ள புதிய மேம்பாலம் அருகில் செட் அமைத்து ஷூட்டிங் நடக்கிறது.

Source: Dinakaran

Read more »

தமிழ் படங்களில் நடிக்க நேரமில்லை

தமிழ் படங்களில் நடிக்க நேரமில்லை

2/26/2011 10:57:00 AM

தமிழில் அந்நியன் படத்துக்கு பிறகு சதா அவ்வபோது ஒரு சில தமிழ் படங்களில் மட்டுமே நடித்து வந்தார். இனி அவர் தமிழ் படங்களில் நடிக்க மாட்டார் என வதந்திகள் வெளியானது. இதுபற்றி அவரிடம் கேட்ட போது ‘இது பொய்யான செய்தி 3 இந்தி படங்களில் பிஸியாக இருந்ததால் வேறு படங்களில் நடிக்க முடியவில்லை. அவை ரிலீஸ் ஆகிவிட்டது. தற்போது 2 தமிழ், 1 கன்னட படங்களில் நடிப்பதுடன் தெலுங்கு படங்களில் நடிக்க கதை கேட்டு வருகிறேன்’ என்கிறார் சதா.

Source: Dinakaran

Read more »

பெரிய்…ய்…ய ஆசை

பெரிய்…ய்…ய ஆசை
2/25/2011 12:34:49 PM

"எல்லோரும் வாழ்க்கையில் ஏதாவது ஒரு இடத்தை அடைய ஆசைப்படுவார்கள். அதுபோல் எங்கள் நாயகனும் யாரும் யோசிக்காத ஒரு இடத்தை அடைய ஆசைப்படுகிறார். அதை அடைய அவர் என்னென்ன தடைகளை சந்திக்கிறார் என்பதை ஏவி.எம் சார்பில் எம். சரவணன், எம்.எஸ். குகன் தயாரிக்கும் 'முதல் இடம்' படத்தில் காதல், காமெடி, ஆக்ஷன் கலந்து சொல்லியிருக்கிறேன்'' என்கிறார் இயக்குனர் குமரன். இவர் சுந்தர்.சி, சுராஜ், பூபதி பாண்டியன் ஆகியோரிடம் பணியாற்றியவர். "மகேஷ்வரன் என்ற கேரக்டரில் விதார்த் நடிக்கிறார். அரசு பள்ளியில் +2 படிக்கும் மாணவியாக கவிதா நாயர் நடிக்கிறார். கீர்த்திசாவ்லாவின் குளுகுளு குத்துப்பாட்டும் இடம் பெறுகிறது. இந்தப் படத்துக்காக மிகவும் பழமை வாய்ந்தது போல் ஒரு ராஜராஜன் வளைவு அமைத்தோம். அதைப் பார்த்து தஞ்சை மக்கள் வியந்து பாராட்டியது எங்கள் படத்துக்கு கிடைத்த முதல் வெற்றி" என்கிறார் இயக்குனர் குமரன்.

Source: Dinakaran

Read more »

கிசு கிசு -‘பெட்ரூம்’ காட்சி..ஹீரோயின் புலம்பல்

'பெட்ரூம்' காட்சி.. ஹீரோயின் புலம்பல்

2/25/2011 12:44:04 PM

நல்ல காலம் பொறக்குது…
நல்ல காலம் பொறக்குது…

மிஷ் இயக்குனரும் ஐ காட் நடிகரும் இணைய இருந்த படம் டிராப் ஆயிடுச்சாம்… ஆயிடுச்சாம்… 30 சிக்கு மேல் போன படத்தோட பட்ஜெட்டை கேட்டு தயாரிப்பு அதிர்ச்சியாயிட்டாராம். இந்த கதைக்கு இவ்ளோ செலவு செய்ய முடியாது. இன்னெரு ஸ்கிரிப்ட் கொண்டு வாங்க. அதை தயாரிக்கலாம்ன்னு நாசுக்காக சொல்லிட்டாராம்… சொல்லிட்டாராம்…

வெளுத்துகட்டிய அர்ச்சனை ஹீரோயின் ஏற்கனவே ஒரு படத்துல பெட் ரூம் சீன்ல நடிச்சிருந்தாராம்… நடிச்சிருந்தாராம்… அந்த படத்தை நெட்ல உலா விட தயாரிப்பு ஐடியா பண்ணியிருக்காராம். 'அந்த காட்சில நடிக்க மாட்டேன்னு சொல்லியும் கட்டாயப்படுத்தி நடிக்க வச்சிட்டாங்க. புதுசா நடிக்க வந்த என்னை ஏமாத்தி அப்படி நடிக்க வச்சிட்டாங்கன்னு புலம்புறாராம்… புலம்புறாராம்…

கை நிறைய காசு, கால்ஷீட் நாட்களும் கம்மி. அதனால விளம்பரத்துல நடிக்க¤றதுதான் பெஸ்ட்டுன்னு சில ஆர்ட்டிஸ்ட்டுங்க நினைக்கிறாங்களாம். நினைக்கிறாங்களாம். அவங்களோட மேனேஜர்களுக்கும் நிறைய கமிஷன் கிடைக்குதாம்… அதனால விளம்பர வாய்ப்பை பிடிக்க மேனேஜருங்க போட்டி போடுறாங்களாம்… போடுறாங்களாம்…

Source: Dinakaran

Read more »

மீண்டும் டைரக்ஷன் களத்தில் ரேவதி!

மீண்டும் டைரக்ஷன் களத்தில் ரேவதி!

2/25/2011 11:49:26 AM

'மித்ர மை ஃப்ரண்ட்' படத்தை இயக்கிய ரேவதி, மீண்டும் டைரக்ஷன் களத்தில் குதிக்க தயாராகிவிட்டார். முழு ஸ்க்ரிப்ட்டையும் முடித்து விட்ட அவர், அந்தப் படத்தை இந்தியில் எடுக்கத் திட்டமிட்டுள்ளார். அடித்தட்டு மக்களின் வாழ்க்கையைப் பிரதிபலிப்பதே கதை. மேலும் படத்தில் பணிப்புரிய தொழில்நுட்ப கலைஞர்களையும் தேர்வு செய்து வருகிறார் ரேவதி.

Source: Dinakaran

Read more »

திருப்பதி பிரதர்ஸ் தமிழ்நாடு முழுக்க தியேட்டர் விசிட்

திருப்பதி பிரதர்ஸ் தமிழ்நாடு முழுக்க தியேட்டர் விசிட்

2/25/2011 11:51:16 AM

பிரகாஷ்ராஜ் தயாரிப் பில், ராதாமோகன் இயக்கத்தில் வெளிவந்துள்ள 'பயணம்' படத்துக்கு நல்ல வரவேற்பு கிடைத்துள்ளது. இந்தப்படத்தை இயக்குநர் என்.லிங்குசாமியின் திருப்பதி பிரதர்ஸ் தமிழ்நாடு முழுக்க ரிலீஸ் செய்துள்ளது. லிங்குசாமியின் தம்பியும் தயாரிப்பாளருமான என்.சுபாஷ் சந்திரபோஸ் தமிழ்நாடு முழுக்க தியேட்டர் விசிட் செய்து வருகிறார்.

Source: Dinakaran

Read more »

ரஜினிக்கு கிடைத்த பாராட்டு

ரஜினிக்கு கிடைத்த பாராட்டு

2/25/2011 11:53:47 AM

சில்க் ஸ்மிதாவின் வாழ்க்கை வரலாறு இந்திப்படமாக உருவாகிறது. அது சம்பந்தமாக சில்க் நடித்த படக்காட்சிகளை நஸ்ருதீன் ஷாவுக்கு போட்டுக் காட்டினார்கள். ரஜினியுடன் சில்க் ஆடிய நடனக் காட்சிகள் அந்த கலெக்ஷனில் அதிகமாக இடம் பெற்றிருந்தன. ரஜினியின் அசைவுகளை உன்னிப்பாக கவனித்த நஸ்ருதீன்ஷா கைதட்டி உற்சாகமானாராம். 'நான் இதுவரை ரஜினி படங்களைப் பார்க்கவில்லை. எனக்காக 'ரோபோ' படம் பார்க்க ஏற்பாடு செய்யுங்கள் அவரது நடிப்பு எனக்கு உதவி கரமாக இருக்கும்' என்று சொன்னதோடு, ரஜினியைப் பற்றி வெகுவாகப் பாராட்டிப் பேசினாராம்.

Source: Dinakaran

Read more »

மிடில் கிளாஸ் பெண் ரம்யா நம்பீசன்

மிடில் கிளாஸ் பெண் ரம்யா நம்பீசன்

2/25/2011 12:58:44 PM

ஆட்ட நாயகன்', 'இளைஞன்', என்று அடுத்தடுத்த படங்கள் வெளியானதில் ரொம்பவே மகிழ்ச்சியாக இருக்கிறார் ரம்யா நம்பீசன். நடிகைக்குரிய பந்தா இல்லாமல் மிடில் கிளாஸ் பெண் போல் ரொம்ப சிம்பிளாக இருக்கிறார். தெலுங்கு படப்பிடிப்புக் காக ஐதராபாத் செல்லும் அவசரத்தில் இருந்தாலும் அளந்து எடுத்து பேசினார். இன்று நான் சரளமாக தமிழ் பேசுகிறேன் என்றால் அந்த பெருமை கலைஞரின் 'இளைஞன்' படத்துக்குதான். கிளாமர் ரோல்னா ஓடறீங்களாமே? என்ற கேட்டதற்கு அப்படி இல்லை. கிளாமர் ரோல் முதலில் எனக்கு பொருத்தமாக இருக்க வேண்டும். இன்று கிளாமர் என்றால் அங்கங்களை வெளிப்படுத்துவது என்று அர்த்தம் நிலவி வருகிறது. கிளாமர் எனக்கு எந்தளவுக்கு பொருந்துமோ அந்தளவுக்கு உடையணிந்து நடிப்பேன்.

Source: Dinakaran

Read more »

அம்மாவுக்கு சிபாரிசு செய்கிறேனா?

அம்மாவுக்கு சிபாரிசு செய்கிறேனா?

2/24/2011 2:53:37 PM

இலியானாவின் அம்மா காஸ்டியூம் டிசைனர். இலியானாவின் தங்கையுடன் சேர்ந்து அவர் ஐதராபாத்தில் ஷோரூம் ஒன்றையும் வைத்த¤ருக்கிறார். இதற்கிடையே தனது படங்களுக்கு தனது அம்மாவையே காஸ்டியூம் டிசைனராக ஒப்பந்தம் செய்ய வேண்டும் என நிபந்தனை போடுகிறாராம் இலியானா. Ôஷக்திÕ தெலுங்கு படத்தில் இலியானாவின் காஸ்டியூம்களை வடிவமைத்தது அவரது அம்மாதான். இது குறித்து இலியானா கூறியது:

எனது அம்மா, எங¢கள் சொந்த ஊரான கோவாவில் பிரபல காஸ்டியூம¢ டிசைனர். விழாக்களுக்கு அவர் தேர்வு செய்யும் உடைகளைத்தான் நான் அணிந்து செல்வேன். இப்போது அவர் ஐதராபாத்தில் ஷோரூம் திறந்திருக்கிறார். இங்கே என்னுடன்தான் தங்கியுள்ளார். அதனால் Ôஷக்திÕ படத்தில் பணியாற்றுமாறு கேட்டேன். அதற்குள் எனது அம்மாவுக்கு நான் சிபாரிசு செய்வதாக தகவல் பரப்புகிறார்கள். எனது அம்மாவின் திறமை, Ôஷக்திÕ படக்குழுவினருக்கு தெரியும். முதல் நாள் ஷூட்டிங்கில் அவர் வடிவமைத்த உடையை அணிந்து சென்றேன். யூனிட்டார் அனைவரும் Ôடிரஸ் சூப¢பர்Õ என்றார்கள். படத்தில் எனக்கு மட்டும்தான் அவர் டிசைனர். அதனால் இதில் ஒன்றும் தவறில்லை.

Source: Dinakaran

Read more »

ஜிம் மாஸ்டர் விஷால்

ஜிம் மாஸ்டர் விஷால்

2/24/2011 3:48:31 PM

ஜெயம் ரவி, ஹன்சிகா மோத்வானி நடித்த எங்கேயும் காதல் படத்தை இயக்கிய பிரபுதேவா, அடுத்து ‌ஜிகே ஃபிலிம்ஸ் தயா‌ரிப்பில் விஷால் நடிக்கும் படத்தை இயக்குகிறார். விஷாலுக்கு ஜோடி சமீரா ரெட்டி நடிக்கிறார். படத்தின் கதைப்படி விஷால் ஜிம் மாஸ்டராக நடிக்கிறார். சமீபத்தில் சென்னை வளசரவாக்கம் பகுதியில் உள்ள உடற்பயிற்சி நிலையம் ஒன்றில் காட்சி படமாக்கப்பட்டது. முழுக்க முழுக்க ஆக்ஷன் – காதல் கதையான இந்தப் படத்தை சீக்கிரம் முடிக்க ஆசைப்படுகிறாராம் பிரபு தேவா.

Source: Dinakaran

Read more »

பிரியாமணியின் புது ரோல்

பிரியாமணியின் புது ரோல்

2/24/2011 1:56:41 PM

போதைக்கு அடிமையான மாடல் அழகி வேடத்தில் நடிக்க உள்ளார் பிரியாமணி. Ôபேஷன்Õ இந்தி படம் தமிழில் ரீமேக¢ ஆகிறது. இதில் பிரியங்கா சோப்ரா வேடத்தில் நடிக்க முதலில் நயன்தாராவிடம் பேசினர். திருமணத்துக்கு ரெடியாகி வருவதாலும் கவர்ச்சியான வேடம் என்பதாலும் நயன்தாரா மறுத்துவிட்டார். பின் இலியானாவிடம் பேசினர். அதிக சம்பளம் கேட்டதால் அவரும் படத்தில் நடிக்கவில்லை. கடைசியாக த்ரிஷாவிடம் பேசி வருகின்றனர். அவர் இன்னும் ஓகே சொல்லவில்லை. இந்நிலையில் கங்கனா ரனவத் நடித்த வேடத்தில் நடிக்க பிரியாமணியை ஒப்பந்தம் செய்துள்ளனர். கதைப்படி போதைக்கு அடிமையான மாடல் அழகி வேடம் அது. இதில் நடிப்பதற்காக நிறைய மாடல் அழகிகளை நேரில் சந்தித்து பேச உள்ளாராம் பிரியாமணி. நிஜத்தில் போதைக்கு அடிமையாகி, அதிலிருந்து விடுபட்ட மாடல்களையும் பிரியாமணி சந்திக்க படக்குழு ஏற்பாடு செய்து வருகிறதாம். இப்படம் தெலுங்கிலும் ஒரே நேரத்தில் உருவாகிறது. அதிலும் பிரியாமணி நடிக்கிறார்.

Source: Dinakaran

Read more »

பதினைந்தாம் நூற்றாண்டு உறைவாள்

பதினைந்தாம் நூற்றாண்டு உறைவாள்

2/24/2011 2:39:41 PM

'மல்லி', 'டெரரிஸ்ட்' உட்பட சில படங்களை இயக்கிய ஒளிப்பதிவாளர் சந்தோஷ் சிவன், 'உருமி' என்ற படத்தை தமிழ், மலையாளத்தில் இயக்குகிறார். இதில் பிருத்விராஜ், ஜெனிலியா ஜோடியாக நடிக்கின்றனர். 15ம் நூற்றாண்டில் கேரள மாநிலம் கப்பாட் என்ற இடத்துக்கு போர்ச்சுக்கீசியரான வாஸ்கோ ட கமா வந்தார். அவரை கொலை செய்ய இளைஞர்கள் குழு சதி செய்கிறது. இதை சுற்றி கதை செல்கிறது. இளைஞர் குழு தலைவராக பிருத்விராஜ் நடிக்கிறார். போர்ச்சுக்கீசிய இளவரசியாக ஜெனிலியா நடிக்கிறார். தமிழில் ‘பதினைந்தாம் நூற்றாண்டு உறைவாள்’ என்ற பெயரில் டப் ஆகிறது. இப்படத்தின் டிரெய்லர் கேரளாவில் வெளியிட்டுள்ளனர்.

Source: Dinakaran

Read more »

அல்லு அர்ஜுனுக்கு திருமணம் :அமீர் கான் வருகை!

அல்லு அர்ஜுனுக்கு திருமணம் : அமீர் கான் வருகை!

2/24/2011 2:45:17 PM

ஆந்திராவின் முன்னணி இளம் கதாநாயகர்களில் ஒருவரான அல்லு அர்ஜுனுக்கு மார்ச் ஆறாம் தேதி ஹைதராபாத்தில் திருமணம் நடைபெற உள்ளது. சினேகா ரெட்டி என்பவரை அவர் மணக்கிறார். இந்த திருமண விழாவுக்கு ஆமிர் கான் சிறப்பு விருந்தினராக அழைத்துள்ளனர். இதற்கு ஆமிர் கான் சம்மதம் தெரிவித்துள்ளார். இதன்படி மார்ச் ஆறாம் தேதி ஹைதராபாத்திற்கு வருகை புரிகிறார்.

Source: Dinakaran

Read more »

ஆகஸ்ட் மாதம் வருகிறது அரவான்

ஆகஸ்ட் மாதம் வருகிறது அரவான்

2/24/2011 2:50:35 PM

அம்மா கிரியேஷன்ஸ் சார்பில் டி.சிவா தயாரிக்கும் படம், 'அரவான்'. ஆதி, பசுபதி, தன்ஷிகா, அர்ச்சனா கவி நடிக்கின்றனர். ஒளிப்பதிவு, சித்தார்த். பாடல்கள்: நா.முத்துக்குமார், விவேகா. கதை, சு.வெங்கடேசன். வசந்தபாலன் இயக்குகிறார். 18ம் நூற்றாண்டில் நடப்பது போன்ற கதை. வெங்கடேசன் எழுதிய 'காவல் கோட்டம்' கதையின் சில பாகங்கள் படமாக உருவாகிறது. பின்னணி பாடகர், கார்த்திக், இசையமைப்பாளராக அறிமுகமாகிறார்.  படத்தை ஆகஸ்ட்டில் ரிலீஸ் செய்ய திட்டமிட்டுள்ளனர்.

Source: Dinakaran

Read more »

கிசு கிசு -நடிகர் போட்ட கண்டிஷன்

நடிகர் போட்ட கண்டிஷன்

2/24/2011 2:55:18 PM

நல்ல காலம் பொறக்குது…
நல்ல காலம் பொறக்குது…

இன்ஷியலுக்கு பெயர் மாறிய நடிகரு, இந்தி பட ரீமேக்குல நடிக்கிறாரு. அந்த படத்துக்கு ஹீரோயினை அவர்தான் செலக்ட் பண்ணுறாராம்… பண்ணுறாராம்… இயக்குனரும் அவரோட செலக்ஷன்தானாம். இந்த ரெண்டு கண்டிஷனுக்கும் தயாரிப்பு தரப்பு ஒத்துக்கிட்ட பிறகுதான் நடிக்கவே சம்மதிச்சாராம்… சம்மதிச்சாராம்…

செல்வ இயக்குனரு தம்பியை வச்சி படம் இயக்குறாரு. அந்த பட ஷூட்டிங்கை நிறுத்தி வச்சிட்டு, உலக ஹீரோ நடிக்கிற படத்துக்கு கதை எழுதுறதுல பிசியா இறங்கிட்டாராம்… இறங்கிட்டாராம்… ஷூட்டிங் நிக்குற படத்தை தயாரிக்கிற இயக்கத்தோட அப்பா, வருத்தப்படுறாராம்… வருத்தப்படுறாராம்…

கோலிவுட், டோலிவுட் அழைக்காததால கன்னட சினிமா பக்கம் போயிட்டாரு நமீ நடிகை. அங்கே ஹீரோக்களோடு நட்பை வளர்க்கிறாராம்… வளர்க்கிறாராம்… கன்னட தேசத்துல நம்பர் ஒன் நடிகையா மாறிக் காட்டப்போறேன்னு நெருங்கியவங்ககிட்ட சவாலும் விட்டிருக்கிறாராம்… விட்டிருக்கிறாராம்…

Source: Dinakaran

Read more »

பாலிவுட் செல்லும் பாலா!

பாலிவுட் செல்லும் பாலா!

2/24/2011 3:01:47 PM

தேசிய விருது பெற்ற இயக்குநர் பாலாவின் அவன் இவன் ஷூட்டிங் படுவேகமாக நடந்து வருகிறது. அவன் இவனில் விஷால், ஆர்யா நடிக்கின்றனர். ஹீரோயின் ஜனனி ஐயர். விஷால் இந்தப் படத்தில் திருநங்கையாக நடிக்கிறார். அவன் இவனுக்கு யுவன் ஷங்கர் ராஜா இசையமைக்கிறார். இந்நிலையில் இந்த படத்துக்கு இந்தியில் படம் பண்ண பாலா திட்டமிட்டுள்ளாராம். பாலா தற்போது இந்தி படித்து வருகிறார். இந்தியில் படிக்க, எழுத, பேச எப்போது முடிகிறதோ அப்போது இந்திப் படத்தை எடுப்பேன் என தெ‌ரிவித்துள்ளார்.

Source: Dinakaran

Read more »

அஜீத்துடன் வெங்கட் பிரபு மல்லுக்கட்டிய விஷயம்!

அஜீத்துடன் வெங்கட் பிரபு மல்லுக்கட்டிய விஷயம்!

2/24/2011 3:24:36 PM

அல்டிமேட் ஸ்டார் அஜீத் வெங்கட் பிரபு இயக்கத்தில் மங்காத்தா படத்தில் நடித்து வருகிறார். இது அஜீத்தின் 50வது படம். இதன் அடுத்தகட்ட படிப்பிடிப்பு படுவேகமாக நடந்து வருகிறது. இதனையடுத்து படத்தில் ஒரு முத்தக் காட்சி உள்ளதாம். இதற்காக அஜீத்துடன் வெங்கட் பிரபு சில மணி நேரம் பேசிய பின்பு அஜீத் சம்மதம் தெரிவித்துள்ளார். படத்தில் முத்தக் காட்சி அவசியம் என அ‌‌ஜீத்தையும், த்‌ரிஷாவையும் முத்தமிட வைத்திருக்கிறார் வெங்கட்பிரபு. எதிலும் ஆர்வம் காட்டாதவர் அ‌‌ஜீத். அவரையே மல்லுக்கட்டி முத்தம் கொடுக்க வைத்திருக்கிறார் வெங்கட்பிரபு.

Source: Dinakaran

Read more »

மங்காத்தாவில் அஞ்சலி?

மங்காத்தாவில் அஞ்சலி?

2/24/2011 3:23:37 PM

மங்காத்தாவில் அ‌‌‌ஜீத்துக்கு த்‌ரிஷா ஜோடி. லட்சுமிராயும் இருக்கிறார். அப்படியானால் அஞ்சலி? அவர் வைபவுக்கு ஜோடியாம். ஹோம்லி வேடத்தில் மட்டுமே நடித்துக் கொண்டிருக்‌கிறோம் மாடர்ன் கேரக்டர் கிடைக்கவில்லையே என்று ஏங்கிக் கொண்டிருந்தவருக்கு இந்த வருடம் மங்காத்தா மூலம் கிடைத்துள்ளது. மங்காத்தாவில் அஞ்சலிக்கு உண்மையிலேயே மாடர்ன் கேர்ள் கதாபாத்திரம்.

Source: Dinakaran

Read more »

தமிழ் சினிமாவுக்கு பாதிப்பு ஏற்படுத்திய உலகக் கோப்பை!

தமிழ் சினிமாவுக்கு பாதிப்பு ஏற்படுத்திய உலகக் கோப்பை!

2/24/2011 3:55:10 PM

கிரிக்கெட் திருவிழா தொடங்கி சில நாட்களே ஆன நிலையில், தமிழ் திரையுலகம் கதி கலங்கியுள்ளது. லீக் ஆட்டம் நடக்கும் போது திரையரங்குகள் காற்று வாங்க ஆரம்பித்துவிட்டன. இனி வரவிருக்கும் கால் இறுதி  மற்றும் அரை இறுதி ஆட்டத்திற்குள் என்ன நடக்குமோ என அதிர்ச்சியில் திரையுலகம் மிதந்து வருகிறது. தற்போது வெளி வந்திருக்கும் படங்களான, பயணம், யுத்தம் செய் போன்றவற்றுக்குக் கூட பகல் காட்சிக்கு 50 பேர் வருவதே அதிசயமாகிவிட்டதாம். குறிப்பாக பகலிரவு ஆட்டம் என்றால் திரையரங்கு எல்லாம் காத்து வாங்குகிறதாம். இந்த நிலையை எதிர்ப்பார்த்தே, 7 முக்கியப் படங்களின் ரிலீஸ் தேதி ஏப்ரல் 8-க்குப் பிறகு வைக்கப்பட்டுள்ளது. ஏப்ரல் 2-ம் தேதி உலகக் கோப்பைப் போட்டிகள் முடிவடைகின்றன. பாலாவின் அவன் இவன் கூட உலகக் கோப்பை இறுதிப் போட்டிக்குப் பிறகு, ஏப்ரல் 8-ம் தேதிதான் ரிலீஸ் செய்யப்படுகிறது.

Source: Dinakaran

Read more »

வந்தியத் தேவனாக விஜய்,பொன்னியின் செல்வனாக விக்ரம்

வந்தியத் தேவனாக விஜய், பொன்னியின் செல்வனாக விக்ரம்
2/22/2011 12:51:59 PM

இயக்குனர் மணிரத்னத்தின் அடுத்த படமான ‘பொன்னியின் செல்வன்’ படத்தை பற்றி பல சுவாரசியமான தகவல்கள் பல நமக்கு கிடைத்துள்ளது. ஆனால் இதில் எந்த அளவிற்கு உண்மை இருக்கிறது என்பதை படக்குழு தான் தெரிவிக்க வேண்டும். நமக்கு கிடைத்த சில தகவல்கள் எல்லாம் கோலிவுட்டில் அடிக்கடி பேசப்பட்டு வருகிறது.

மணிரத்னம் இயக்கும் பொன்னியின் செல்வன் படத்தில் வந்தியத் தேவனாக இளைய தளபதி விஜய் நடிக்கிறாராம். அதே போல் பொன்னியின் செல்வனாக விக்ரமும், தலையாய பாத்திரமான ஆதித்த கரிகாலன் வேடத்தில் விஷாலும் நடிக்க ஒப்புக் கொண்டுள்ளதாக தகவல்கள் வெளியாகியுள்ளன.
நடிகர்களில் இத்தனைப் பேரையும் சந்தித்துப் பேசி, ஒரு வழியாக ஒப்புக் கொள்ள வைத்தாலும், கதாநாயகி தேர்வுதான் பெரும் சவாலாக உள்ளதாம். இது ஒருபுறம் இருக்க, இசை துறையில் இரு சிகரங்களான இசைஞானி இளையராஜா மற்றும் ஏ ஆர் ரஹ்மானை இந்தப் படத்தில் இணைய வைக்க பெரும் முயற்சி மேற்கொண்டுள்ளாராம் மணிரத்னம்.

Source: Dinakaran

Read more »

ரஜினியுடன் நடிக்கும் வாய்ப்பை இழந்த மாதுரி தீட்சித்

ரஜினியுடன் நடிக்கும் வாய்ப்பை இழந்த மாதுரி தீட்சித்

2/22/2011 2:56:28 PM

சூப்பர் ஸ்டார் ரஜினிகாந்த் நடிக்கும் புதிய படம் ராணா; படப்பிடிப்பு மார்ச் மாதம் தொடங்குகிறது. ஆக்கர் ஸ்டூடியோஸ் நிறுவனத்துடன் இணைந்து ஈராஸ் இண்டர்நேஷனல் நிறுவனம் 'ராணா' என்ற பெயரில் புதுப்படம் தயாரிக்கிறது. இந்த படத்தை சூப்பர் ஸ்டார் ரஜினிகாந்த் நடித்த முத்து, படையப்பா படத்தை இயக்கிய கே.எஸ்.ரவிக்குமார் இயக்குகிறார்.

இதில், ரஜினிகாந்த் 3 மாறுபட்ட வேடங்களில் நடிக்கிறார். அவர் ஏற்கனவே மூன்று முகம் படத்தில் 3 வேடத்தில் நடித்தார். அதன்பின் இப்போது 3 வேடத்தில் நடிக்கிறார். தமிழ், தெலுங்கு, இந்தி ஆகிய 3 மொழிகளில் உருவாகும் இந்த படத்துக்கு ஏ.ஆர்.ரகுமான் இசையமைக்கிறார். ரத்தினவேலு ஒளிப்பதிவும். பட தொகுப்பை ஆன்டணியும் கவனிக்கின்றனர். டெக்னிக்கல் ஸ்பெஷல் எபக்ட்ஸ் விஷயங்களை சவுந்தர்யா ரஜினிகாந்த் கவனிக்கிறார். இந்நிலையில் ரஜினியின் ஒரு கதாபாத்திரத்துக்கு ஜோடியாக மாதுரி தீட்சித் நடிக்க வேண்டியிருந்ததாம். ஆனால் தன்னுடைய குடும்பத்தை பார்க்க அமெரிக்கா செல்வதால் ரஜினியுடன் 'ராணா' படத்தில் நடிக்கும் வாய்ப்பை இழந்திருக்கிறார் மாதுரி தீட்சித்.

Source: Dinakaran

Read more »

டான் 2 vs பில்லா 2

டான் 2 vs பில்லா 2

2/22/2011 1:43:11 PM

எண்பதுகளில் இந்தியில் அமிதாப் நடித்து வெளியான ‘டான்’ திரைப்படம் பிளாக்பஸ்டர் ஹிட்டானது. டான் படத்தை தமிழில் ரஜினியை வைத்து பில்லாவாக எடுத்தனர். தமிழிலும் படம் பிளாக்பஸ்டர். பல ஆண்டுகள் கழித்து, பழைய டான் படத்தை, ஷாரூக்கை வைத்து புதிதாக எடுத்தனர். படம் சூப்பர் ஹிட். தமிழில் பில்லாவை அஜீத்தை வைத்து எடுத்தனர். சரிந்து கிடந்த அஜீத் மார்க்கெட்டை தூக்கி நிறுத்தியது அந்தப் படம்.

தற்போது தல அஜீத் முன்பே ‘டான் 2′ படத்தில் நடிக்க ஆரம்பத்திவிட்டார் ஷாரூக் கான். தமிழிலும் அஜீத் வைத்து ‘பில்லா 2′ இயக்க திட்டமிட்டுருக்கிறார் இயக்குனர் விஷ்ணுவர்த்தன். ‘மங்காத்தா’ முடிந்த பிறகு அடுத்த கட்டமாக ‘பில்லா 2′ வில் நடிக்கிறார் அஜீத். தற்போது ரீமேக் ஆகி வருமட ‘டான் 2′ படத்தில் நீண்ட தலைமுடியுடன் மிக வித்தியாசமாகக் காணப்படுகிறார் ஷாரூக்கான். அவருக்கு ஜோடி ப்ரியங்கா சோப்ரா மற்றும் லாரா தத்தா நடிக்கின்றனர். பர்ஹான் அக்தர் இயக்கும் இந்தப் படத்தின் பெரும்பகுதி ஐரோப்பாவில் எடுக்கப்பட்டுள்ளது.

Source: Dinakaran

Read more »

ரஜினிக்கு ஜோடியாக சினேகா?

ரஜினிக்கு ஜோடியாக சினேகா?

2/23/2011 3:12:17 PM

சூப்பர் ஸ்டார் ரஜினிகாந்த் நடிக்கும் புதிய படம் ராணா; படப்பிடிப்பு மார்ச் மாதம் தொடங்குகிறது. ஆக்கர் ஸ்டூடியோஸ் நிறுவனத்துடன் இணைந்து ஈராஸ் இண்டர்நேஷனல் நிறுவனம் 'ராணா' என்ற பெயரில் புதுப்படம் தயாரிக்கிறது. இந்த படத்தை சூப்பர் ஸ்டார் ரஜினிகாந்த் நடித்த முத்து, படையப்பா படத்தை இயக்கிய கே.எஸ்.ரவிக்குமார் இயக்குகிறார். படத்துக்கு ஏ.ஆர்.ரகுமான் இசையமைக்கிறார். ரத்தினவேலு ஒளிப்பதிவும். பட தொகுப்பை ஆன்டணியும் கவனிக்கின்றனர். ராணா படத்தில் ரஜினிக்கு ஜோடியாக தீபிகா நடிக்கிறார் என்று அதிகாரப்பூர்வமாக அறிவிக்கப்பட்டுள்ளார். ரஜினியின் ஒரு கதாபாத்திரத்துக்கு ஜோடியாக மாதுரி தீட்சித் நடிக்க வேண்டியிருந்ததாம். ஆனால் தன்னுடைய குடும்பத்தை பார்க்க அமெரிக்கா செல்வதால் ரஜினியுடன் ‘ராணா’ படத்தில் நடிக்கும் வாய்ப்பை இழந்திருக்கிறார் மாதுரி தீட்சித். இதனையடுத்து ராணா படத்தில் முக்கிய வேடத்தில் நடிக்க சினேகாவிடம் பேசி வருகிறார்கள். ஏற்கெனவே ரஜினி மகள் சௌந்தர்யாவின் ஆக்கர்ஸ் ஸ்டுடியோ தயாரித்த கோவா படத்தில் நாயகியாக நடித்தவர் சினேகா. எனவேதான் மீண்டும் சினேகாவையே அணுகியுள்ளனராம்.

Source: Dinakaran

Read more »

சூர்யாவுக்கு ஜோடியாகிறார் சோனா சின்கா?

சூர்யாவுக்கு ஜோடியாகிறார் சோனா சின்கா?

2/22/2011 12:08:01 PM

கே.வி.ஆனந்த் இயக்கும் ‘மாற்றான்’ படத்தில் இரட்டை வேடத்தில் நடிக்கப் போகிறாராம். அட இதிலென்ன ஸ்பெஷல் இருக்கிறது என்று கேட்பவர்கள் காத்திருக்கிறது அதிசயம். இந்தப் படத்தில் மொத்தம் ஐந்து கெட்டப்புகளில் சூர்யா வருகிறார். இந்த ஐந்தில் ஒன்று ஒட்டிப் பிறந்த இரட்டையர்கள் என்று மீடியாவில் செய்தி கசிந்து பரபரப்பாகப் பேசப்பட்டது. ஆனால் அதனை கே.வி.ஆனந்த் மறுத்துள்ளார். இந்தப் படத்தில் சூர்யா ஜோடியாக ‘தபாங்’ படத்தில் சல்மான் கானுக்கு  ஜோடியாக நடித்த சோனா சின்கா நடிப்பார் என கூறப்படுகிறது. ஆனால் இதுவரை, இந்த செய்தியை தயாரிப்பாளர் தரப்போ, இயக்குனரோ உறுதி செய்யவில்லை.

Source: Dinakaran

Read more »

மீனவர்கள் மீது தாக்குதல் :நாகையில் நடிகர் விஜய் இன்று ஆர்ப்பாட்டம்

மீனவர்கள் மீது தாக்குதல் : நாகையில் நடிகர் விஜய் இன்று ஆர்ப்பாட்டம்

2/22/2011 10:23:53 AM

தமிழக மீனவர்கள் இலங்கை கடற்படையினரால் கொல்லப்படுவதை கண்டித்து நாகப்பட்டினத்தில் நடிகர் விஜய் இன்று கண்டன ஆர்ப்பாட்டம் நடத்துகிறார். இதுபற்றி நடிகர் விஜய் வெளியிட்டுள்ள அறிக்கை: தமிழக மீனவர்களை இலங்கை ராணுவத்தினர் சுட்டுக்கொல்வதும், சிறைப்பிடித்து சென்று சித்ரவதை செய்வதும் அவர்களின் தொழில் உபகரணங்களை பறிப்பதும் அன்றாட நிகழ்ச்சியாகிவிட்டது. அவர்களின் வேதனையை நம் வேதனையாக உணர்ந்து, அவர்களுக்காக குரல் கொடுக்க நினைத்தேன்.  அதற்காக, இன்று மாலை, 4 மணியளவில் நாகப்பட்டினம் காடம்பாடி வி.டி.பி கல்லூரி மைதானத்தில் கண்டன பொதுக்கூட்டம் நடக்கிறது. உலகின் கவனத்தை மீனவ சமுதாயம் மீது திசை திருப்ப, ஒவ்வொருவரும் இதில் கலந்து கொள்ள வேண்டும். இவ்வாறு விஜய் கூறியுள்ளார்.  எஸ்.ஏ.சந்திரசேகர் தலைமை தாங்குகிறார். பாதிக்கப்பட்ட மீனவ குடும்பங்களுக்கு மீன்பிடி உபகரணங்கள், நிதியுதவி வழங்கி விஜய் பேசுகிறார்.

Source: Dinakaran

Read more »

யுடிவி நிறுவனத்துடன் இணைந்து மோசர் பேர் தயாரிப்பில் கமல்

யுடிவி நிறுவனத்துடன் இணைந்து மோசர் பேர் தயாரிப்பில் கமல்

2/22/2011 12:13:56 PM

பூ, ராமன் தேடிய சீதை, அவள் பெயர் தமிழரசி போன்ற தரமான படங்களை வழங்கிய மோசர் பேர் தற்போது யுடிவி நிறுவனத்துடன் இணைந்து மோசர் பேர் படங்கள் தயாரிக்க திட்டமிட்டு இருக்கிறது. இதற்கு முதல்கட்டமாக செல்வராகவனின் கமல் நடிக்கும் ஒரு படத்தை கூட்டாக தயாரிக்க திட்டமிட்டுள்ளனர். விக்ரம் படமென்றை தயாரிக்கும் திட்டமும் இவர்களுக்கு இருக்கிறது.

Source: Dinakaran

Read more »

மலையாளப் படமொன்றை இயக்கிறார் கௌதம் மேனன்!

மலையாளப் படமொன்றை இயக்கிறார் கௌதம் மேனன்!

2/22/2011 12:17:27 PM

தமிழ் மற்றும் இந்தி படங்களை இயக்கி வந்த கௌதம் மேனன், தற்போது மலையாள திரையுலகத்திலும் இயக்க திட்டமிட்டுள்ளாராம், இதற்காக கேரளாவில் உள்ள திரையலகினருடன் பேச்சுவார்த்தை நடத்தி வருகிறாராம் கௌதம். கண்டிப்பாக இந்த வருடம் மலையாளப் படமொன்றை இயக்குவேன் என்றும் கூறியிருக்கிறார்.

Source: Dinakaran

Read more »

சரண்யா மோகனின் பிறந்தநாளை கொண்டாடிய ஹன்சிகா மோத்வானி

சரண்யா மோகனின் பிறந்தநாளை கொண்டாடிய ஹன்சிகா மோத்வானி

2/22/2011 2:53:06 PM

விஜய் தங்கச்சியாக ‘வேலாயுதம்’ படத்தில் சரண்யா மோகன் நடித்து வருகிறார். சமீபத்தலி (பிப் 20ந் தேதி) அவரது பிறந்தநாள் பட ஷூட்டிங்கில் கொண்டாடப்பட்டது. ‘வேலாயுதம்’ பட ஷூட்டிங்கில் பங்கேற்றபோது, சரண்யா மோகனின் பிறந்தநாளை கொண்டாடுவதற்காக ஹீரோயின் ஹன்சிகா மோத்வானி மெகா கேக் வரவழைத்து அசத்தினார்.

Source: Dinakaran

Read more »

தயாரிப்பாளரை தேடிய இயக்குனர்

தயாரிப்பாளரை தேடிய இயக்குனர்

2/22/2011 2:59:01 PM

'நந்தா நந்திதாÕ பட இயக்குனர் ராம் ஷிவா கூறியது: ஹீரோக்களுக்கு கதை சொல்லி கால்ஷீட் பெறுவது, தயாரிப்பாளருக்கு கதை சொல்லி ஒ.கே. பெறுவது போன்ற நடைமுறைதான் உள்ளது. இப்படத்திற்கு கதையை தயாரித்துக்கொண்டு பாடலாசிரியர்கள் வாலி, விவேகா, கபிலன், ஜெயந்தா ஆகியோரைத்தான் முதலில் சந்தித்தேன். அவர்கள் எழுதிய 6 பாடல்களை இசை அமைப்பாளர் எழில் இசையில் ஒலிப்பதிவு செய்து கொண்டேன். அதன்பிறகே தயாரிப்பாளரை தேடிப்பிடித்தேன். ஹேம சந்திரன் ஹீரோ, மேக்னா ஹீரோயின். இப்படத்துக்காக ஒகேனக்கல் அருகில் உள்ள தொல்லாக்காது என்ற இடத்தில் ஷூட்டிங் நடந்தது. 15 ஆயிரம் அடி உயரத்திலிருந்து கொட்டும் நீர் வீழ்ச்சியில் பாடல் காட்சி ஒன்று படமாக்கப்பட்டது.

Source: Dinakaran

Read more »

போலீஸ் ஆனார் சிம்பு!

போலீஸ் ஆனார் சிம்பு!

2/23/2011 10:27:05 AM

இந்தியில் ஹிட்டான 'தபாங்' படத்தின் தமிழ் ரீமேக்கில் சிம்பு ஹீரோவாக நடிக்கிறார். சல்மான் கான், சோனாக்ஷி சின்ஹா நடித்து இந்தியில் ஹிட்டான படம் 'தபாங்'. இதன் தமிழ் ரீமேக் உரிமையை வாங்க பல தயாரிப்பாளர்கள் போட்டியிட்டனர். இதையடுத்து, இப்போது 'உத்தமபுத்திரன்' படத்தை தயாரித்த பாலாஜி ஸ்டூடியோஸ் நிறுவனம் வாங்கியுள்ளது. தமிழ் ரீமேக்கில் சல்மான் நடித்த கேரக்டரில் சிம்பு நடிக்கிறார்.

அவர் ஜோடியாக நடிக்க, இந்தி நடிகைகள் சோனம் கபூர் மற்றும் கேத்ரினா கைஃபிடம் பேசியுள்ளனர். இதில் ஒருவர் நிச்சயம் சிம்பு ஜோடியாக நடிப்பார் என்று பட வட்டாரங்கள் தெரிவித்தன. இன்னும் பெயர் வைக்கப்படாத இந்தப் படத்தின் ஷூட்டிங் மே மாதம் தொடங்குகிறது. தீபாவளிக்கு ரிலீஸ் செய்ய முடிவு செய்துள்ளனர். தெலுங்கில் 'தபாங்' படம், 'கபர் சிங்' என்ற பெயரில் தயாராகிறது. பவன் கல்யாண் ஹீரோவாக நடிக்கிறார். சிம்பு நடிப்பில் இந்த வருடம் 'வானம்', 'போடா போடி', தபாங் ரீமேக் ஆகிய 3 படங்கள் வெளியாக இருப்பதாக சிம்புக்கு நெருக்கமானவர்கள் தெரிவித்தனர். தபாங் படத்தில் சல்மான் கான் போலீசாக வருகிறார் என்பது குறிப்பிடதக்கது.

Source: Dinakaran

Read more »

கவர்ச்சி சினிமா வேண்டாம்

கவர்ச்சி சினிமா வேண்டாம்

2/23/2011 10:30:20 AM

தனது பெயரில் இணையதளம் தொடங்கியுள்ளார் பாமா. ரசிகர்களோடு நேரடியாக தொடர்பு கொள்ளவும், சமூக பிரச்னைகளில் தனது கருத்தை பதிவு செய்யவுமே இணையதளம் தொடங்கியுள்ளதாக கூறுகிறார். மேலும் அவர் கூறியதாவது: நீண்ட இடைவெளிக்குப் பிறகு 'சேவற்கொடி' என்ற படத்தில் நடித்திருக்கிறேன். இந்தப் படத்திற்காக 25 நாட்கள் திருச்செந்தூர் பகுதி கிராமங்களில் தங்கியிருந்து நடித்தேன். சினிமா படப்பிடிப்புக்காக அந்த பகுதி மக்கள் கொடுத்த ஒத்துழைப்பை எங்கும் பார்த்ததில்லை. படப்பிடிப்பு முடிந்ததும் படம் வெற்றி பெற கிராம மக்கள் திரண்டு வந்து கோவிலில் விசேஷ பூஜை நடத்தியது மறக்க முடியாத அனுபவம். கிராமத்திலிருந்து நகரத்திற்கு படிக்கச் செல்லும் கேரக்டர். இந்த படம் எனக்கு தமிழில், ரீ என்ட்ரி கொடுக்கும் என்று நம்புகிறேன். கவர்ச்சியாக நடிக்க தயங்குவதால்தான் தமிழ் பட வாய்ப்புகள் வருவதில்லை என்று சொல்வதில் உடன்பாடில்லை. மலையாளத்திலிருந்து அறிமுகமான நதியா, ரேவதி போன்றவர்கள் கடைசி வரை கவர்ச்சியாக நடிக்கவில்லை. அதேபோலத்தான் நானும் கவர்ச்சி வேண்டாம் என்று முடிவு செய்திருக்கிறேன்.

Source: Dinakaran

Read more »

கமர்சியல் ஆர்வம் இல்லை :நித்யா

கமர்சியல் ஆர்வம் இல்லை : நித்யா

2/23/2011 10:32:45 AM

தமிழில் 'வெப்பம்', '180' படங்களில் ஹீரோயினாக நடித்திருப்பவர் நித்யா மேனன். அவர் கூறியதாவது: நடிகையானது எதிர்பார்த்தல்ல. சிறுவயது முதலே நடிக்கிறேன். ஒவ்வொரு முறையும் அதிலிருந்து விடுபட வேண்டும் என நினைப்பேன். ஆனால், சூழ்நிலை என்னை ஹீரோயினாக்கி விட்டது. தெலுங்கில் ஹீரோயினாக நடிக்க வாய்ப்பு வந்தபோது, பூனே பிலிம் இன்ஸ்டிடியூட்டில் ஒளிப்பதிவு படிக்க இருப்பதாக அந்த இயக்குனரிடம் சொன்னேன். ஆனால், அவர் என்னை சமாதானப்படுத்தி நடிக்க வைத்துவிட்டார். அந்த படம் ஹிட்டானது. எனக்கு கிளாமர், கமர்சியல் போன்ற விஷயங்களில் எப்போதும் ஆர்வம் இருந்ததில்லை. மலையாள ரசிகர்களுக்கு என்னை ஆர்ட் படங்களில் நடிப்பவர் என்றுதான் தெரியும். அங்கு ஆர்ட் படங்களில்தான் அதிகமாக நடித்துள்ளேன். அதில் நடிக்கும்போது ஆத்ம திருப்தி இருப்பதாக உணர்கிறேன். சந்தோஷ் சிவன் இயக்கும் 'உருமி' படத்தில் பிரபுதேவா ஜோடியாக நடித்துள்ளேன். இளவரசி வேடம். '180' படத்தில் சித்தார்த்துடன் நடித்துள்ளேன். இந்த இரண்டு கேரக்டர்களும் பேசப்படும் விதமாக இருக்கும். இவ்வாறு நித்யா மேனன் கூறினார்.

Source: Dinakaran

Read more »

மலேசியா வாசுதேவன் மறைவுக்கு ரகுமான் இரங்கல்

மலேசியா வாசுதேவன் மறைவுக்கு ரகுமான் இரங்கல்

2/23/2011 1:07:41 PM

பிரபல பின்னணிப் பாடகரும் நடிகருமான மலேசியா வாசுதேவன் சென்னையில் கடந்த ஞாயிற்றுக் கிழமை காலமானார். தமிழ் சினிமாவின் சிறந்த பாடகர்களுள் ஒருவர் மலேசியா வாசுதேவன். 'டெல்லி டு மெட்ராஸ்' படத்துக்காக முதல் பாடல் பாடினார். ஆனால் அவரை வெளி உலகுக்கு அடையாளம் காட்டியது, 'பதினாறு வயதினிலே' படத்தில் இடம்பெற்ற 'ஆட்டுக்குட்டி முட்டையிட்டு…' பாடல். பிறகு, 'கோடைகால காற்றே', 'அள்ளித் தந்த பூமி', 'தங்கச் சங்கிலி மின்னும் பைங்கிளி', 'பொன்மானைத் தேடி நானும்…', 'பூங்காத்து திரும்புமா' உட்பட இவர் பாடிய ஏராளமான பாடல்கள் சூப்பர் ஹிட்டாகியுள்ளன. ஆறாயிரம் பாடல்களுக்கு மேல் பாடியுள்ள இவரது குரல் ரஜினிக்கு பொருத்தமாக இருந்ததால், அவர் படங்களில் அதிகமாக பாடி வந்தார். இந்நிலையில் மலேசியா வாசுதேவன் மறைவுக்கு ரகுமான் இரங்கல் தெரிவித்ததுடன், 'என் மனதில் இடம்பெற்ற ஒரு சிலரில் மலேசியா வாசுதேவனும் ஒருவர்Õ என்று ட்விட்டரில் குறிப்பிட்டிருக்கிறார் ஏ.ஆர்.ரகுமான்.

Source: Dinakaran

Read more »

வெற்றிமாறன் இயக்கத்தில் ‌‌ஜீவா,ஆர்யா

வெற்றிமாறன் இயக்கத்தில் ‌‌ஜீவா, ஆர்யா

2/23/2011 1:13:41 PM

ஆடுகளத்துக்குப் பிறகு வட சென்னை என்ற படத்தை கார்த்தியை வைத்து இயக்குவதாக இருந்தார் வெற்றிமாறன். இரு ஹீரோ சப்ஜெக்டான இதில் நடிக்க முதலில் ஒத்துக்கொண்ட கார்த்தி பிறகு வேண்டாம் என விலகிக் கொண்டார். இதை கேள்விப்பட்ட ‌‌ஜீவா தானாகவே முன்வந்து நடிக்க சம்மதம் தெ‌ரிவித்துள்ளார். இன்னொரு ஹீரோவாக நடிக்க ஆர்யாவை அணுக, அவரும் உடனடியாக தனது சம்மதத்தை தெ‌ரிவித்துள்ளார்.

Source: Dinakaran

Read more »

மலையாளத்தில் சரத்குமாருக்கு குவியும் பட வாய்ப்புகள்!

மலையாளத்தில் சரத்குமாருக்கு குவியும் பட வாய்ப்புகள்!

2/23/2011 3:01:44 PM

திலீப் தயாரிக்கும் மலையாள படத்தில், ஆக்ஷன் ஹீரோவாக நடிக்கிறார் சரத்குமார். 'பழசிராஜா' படத்துக்கு பிறகு மலையாளத்தில் பிசியாகிவிட்டார் சரத்குமார். மோகன்லாலுடன் 'கிறிஸ்டியன் பிரதர்ஸ்', 'ஓரிடத்தோரு போஸ்ட்மேன்' படங்களில் நடித்து வந்த அவர், இப்போது 'மெட்ரோ' என்ற படத்தில் நடிக்கிறார். இதை மலையாள ஹீரோ திலீப்பின் கிராண்ட் புரொடக்ஷன் தயாரிக்கிறது. தற்போது இன்னும் ஒரு படத்தில் நடிக்க வாய்ப்பு வந்திருக்கிறது.

Source: Dinakaran

Read more »

பிரதமருக்கு தந்தி அனுப்புங்கள் :நடிகர் விஜய்

பிரதமருக்கு தந்தி அனுப்புங்கள் : நடிகர் விஜய்

2/23/2011 3:05:00 PM

இலங்கை பிரச்னை தொடர்பாக நடவடிக்கை எடுக்கக்கோரி பிரதமருக்கு தந்தி அனுப்புமாறு ரசிகர்களுக்கு நடிகர் விஜய் வேண்டுகோள் விடுத்தார்.
தமிழக மீனவர்கள் மீது தாக்குதல் நடத்தும் இலங்கை கடற்படையை கண்டித்தும், தாக்குதலை மத்திய, மாநில அரசுகள் தடுத்து நிறுத்த வலியுறுத்தியும் நாகை காடம்பாடியில் உள்ள வலிவலம் தேசிகர் பாலிடெக்னிக் மைதானத்தில் நடிகர் விஜய் மக்கள் இயக்கம் சார்பில் நேற்று கண்டன பொதுக்கூட்டம் நடந்தது. திரைப்பட இயக்குனர் எஸ்.ஏ.சந்திரசேகரன் தலைமை வகித்தார். நடிகர் விஜய் பேசியதாவது: தமிழக மீனவர்கள் மீது இலங்கை கடற்படை தாக்குதல் நடத்துவதற்கு கண்டனம் தெரிவிப்பதற்காக வந்திருக்கிறேன். தாயை அடித்தால் மகன் எப்படி வேகப்படுவானோ அந்த உணர்வோடுதான் நான் வந்திருக்கிறேன்.சென்னை முதல் குமரி வரை 7 கடலோர மாவட்டங்கள் இருக்கிறது. ஒவ்வொரு நாளும் உயிரை பணயம் வைத்து தொழில் செய்கிறார்கள்.

அவர்களின் உயிரோடு இலங்கை அரசு விளையாடி வருகிறது. ஆயிரக்கணக்கான மீனவர்கள் தாக்கப்பட்டும், 543 மீனவர்கள் கொல்லப்பட்டும் உள்ளனர். நாளைக்கு காலை எல்லாரும் மீனவர் பிரச்னை குறித்து மத்திய, மாநில அரசுகளுக்கு தந்தி அனுப்புங்க. நீங்க அனுப்புற லட்சக்கணக்கான தந்திகள் பிரதமர் வீட்டு கதவையும், தமிழக முதல்வர் வீட்டு கதவையும் தட்டட்டும். இது தமிழக மீனவர் பிரச்னைக்கு சின்ன ஆதாரமாக இருக்கட்டும். பாண்டியன் குடும்பத்துக்கும், ஜெயக்குமார் குடும்பத்துக்கும் தலா ரூ.50,000 நிதி கொடுக்கிறேன். நாளை காலை நாகை மாவட்ட தலைவர் சுகுமாறன் இதை உரியவர்களிடம் தருவார்.இவ்வாறு நடிகர் விஜய் பேசினார். தடியடி:முன்னதாக, விஜய்யை பார்க்கும் ஆர்வத்தில் மேடையில் 500க்கும் மேற்பட்ட ரசிகர்கள் ஏறியதால் பரபரப்பு ஏற்பட்டது. போலீசார் தடியடி நடத்தி கூட்டத்தை கலைத்தனர்.

Source: Dinakaran

Read more »

இனி கவர்ச்சி வேடங்களில் நடிக்க மாட்டேன்

இனி கவர்ச்சி வேடங்களில் நடிக்க மாட்டேன்

2/23/2011 3:16:42 PM

நடிப்பை விட்டுவிட்டு படத் தயாரிப்பில் ஈடுபட்ட சோனா, மீண்டும் நடிக்க முடிவு செய்துள்ளார். இதுபற்றி அவரிடம் கேட்டபோது கூறியதாவது: படத் தயாரிப்பில் முழுவதுமாக கவனம் செலுத்தலாம் என்று நடிப்புக்கு இடைவெளி விட்டிருந்தேன். இப்போது மீண்டும் நடிக்க முடிவு செய்துள்ளேன். இதையடுத்து இனி கவர்ச்சியாக நடிக்க மாட்டேன், கவர்ச்சி உடைகளில் பொது விழாக்களில் கலந்து கொள்ளவும் மாட்டேன் என்று சோனா அறிவித்துள்ளார்.

Source: Dinakaran

Read more »

மீண்டும் நடிக்க சோனா முடிவு

மீண்டும் நடிக்க சோனா முடிவு

2/21/2011 12:07:30 PM

நடிப்பை விட்டுவிட்டு படத் தயாரிப்பில் ஈடுபட்ட சோனா, மீண்டும் நடிக்க முடிவு செய்துள்ளார். இதுபற்றி அவரிடம் கேட்டபோது கூறியதாவது: படத் தயாரிப்பில் முழுவதுமாக கவனம் செலுத்தலாம் என்று நடிப்புக்கு இடைவெளி விட்டிருந்தேன். இப்போது மீண்டும் நடிக்க முடிவு செய்துள்ளேன். காமெடி வேடமா? என்கிறார்கள். 'குசேலன்' படத்தில் காமெடி வேடத்தில் நடித்தேன். பிறகு எல்லோரும் அப்படியான வேடத்துக்கே கேட்டார்கள். இனி காமெடி, மற்றும் கவர்ச்சி வேடங்களில் நடிக்க மாட்டேன். நடிப்பை வெளிப்படுத்தும் வேடங்களிலேயே நடிப்பேன். 'கனிமொழி' படத்துக்குப் பிறகு படத் தயாரிப்பை விட்டுவிட்டதாகச் சொல்கிறார்கள். அதில் உண்மையில்லை. அடுத்து,  பிரேம்ஜி ஹீரோவாக நடிக்கும் 2012 பாக்யராஜ், வெங்கட்பிரபு இயக்கும் படங்களை தயாரிக்கிறேன். இவ்வாறு சோனா கூறினார்.

Source: Dinakaran

Read more »

பிரபல பின்னணி பாடகர் மலேசியா வாசுதேவன் மரணம்

பிரபல பின்னணி பாடகர் மலேசியா வாசுதேவன் மரணம்

2/21/2011 12:06:03 PM

பிரபல பின்னணிப் பாடகரும் நடிகருமான மலேசியா வாசுதேவன் சென்னையில் நேற்று காலமானார். அவருக்கு வயது 67. தமிழ் சினிமாவின் சிறந்த பாடகர்களுள் ஒருவர் மலேசியா வாசுதேவன். இவரது தெளிவான தமிழ் உச்சரிப்பு ரசிகர்களை ஈர்த்த விஷயங்களில் ஒன்று. மலேசியாவில் பிறந்த இவர், சினிமா வாய்ப்புக்காக சென்னை வந்தார். 'டெல்லி டு மெட்ராஸ்' படத்துக்காக முதல் பாடல் பாடினார். ஆனால் அவரை வெளி உலகுக்கு அடையாளம் காட்டியது, 'பதினாறு வயதினிலே' படத்தில் இடம்பெற்ற 'ஆட்டுக்குட்டி முட்டையிட்டு…' பாடல். பிறகு, 'கோடைகால காற்றே', 'அள்ளித் தந்த பூமி', 'தங்கச் சங்கிலி மின்னும் பைங்கிளி', 'பொன்மானைத் தேடி நானும்…', 'பூங்காத்து திரும்புமா' உட்பட இவர் பாடிய ஏராளமான பாடல்கள் சூப்பர் ஹிட்டாகியுள்ளன.

ஆறாயிரம் பாடல்களுக்கு மேல் பாடியுள்ள இவரது குரல் ரஜினிக்கு பொருத்தமாக இருந்ததால், அவர் படங்களில் அதிகமாக பாடி வந்தார். 85 திரைப்படங்களில் நடித்துள்ள மலேசியா வாசுதேவன், பல்வேறு விருதுகளையும் பெற்றுள்ளார். கடந்த சில வருடங்களுக்கு முன் பக்கவாத நோயால் பாதிக்கப்பட்ட அவர், தொடர்ந்து சிகிச்சைப் பெற்று வந்தார். ஒரு வாரத்துக்கு முன், அவருக்கு நுரையீரல் கோளாறு ஏற்பட்டது. இதையடுத்து சென்னை, வடபழனியில் உள்ள தனியார் மருத்துவமனை ஒன்றில் சேர்க்கப்பட்டார். நேற்று நண்பகல் ஒரு மணிக்கு சிகிச்சை பலனின்றி மரணமடைந்தார். அவரது உடல் சென்னை சாலிகிராமம் கோதண்டபாணி ஸ்டூடியோவில் வைக்கப்பட்டுள்ளது. அவரது உடலுக்கு ஏராளமான பொதுமக்களுடன், திரையுலகினரும் அஞ்சலி செலுத்தினர். இன்று மாலை 3 மணிக்கு போரூரில் உடல் தகனம் செய்யப்படுகிறது. மலேசியா வாசுதேவனுக்கு உஷா என்ற மனைவியும், யுகேந்திரன் என்ற மகன், பிரசாந்தினி, பவித்ரா ஆகிய மகள்கள் உள்ளனர்.

Source: Dinakaran

Read more »

நார்வே படவிழாவுக்கு எந்திரன் தேர்வு

நார்வே படவிழாவுக்கு எந்திரன் தேர்வு

2/21/2011 12:08:57 PM

நார்வே நாட்டில் நடக்கும் தமிழ் திரைப்பட விழாவில், சன் பிக்சர்ஸ் தயாரித்து மெகா ஹிட்டான 'எந்திரன்' படம் திரையிடப்படுகிறது. நார்வேயில், கடந்த ஆண்டு முதல், ஒவ்வொரு வருடமும் தமிழ்த் திரைப்பட விழாவை நடத்த முடிவு செய்துள்ளனர். இதையடுத்து இந்த வருடம், ஏப்ரல் மாதம் 20-ம் தேதி முதல் 25-ம் தேதி வரை, நார்வே தலைநகர் ஆஸ்லோவில் இப்பட விழா நடக்கிறது. இதில் 'எந்திரன்', 'ஆடுகளம்', 'அங்காடி தெரு', 'களவாணி', 'மதராசப் பட்டினம்', 'மைனா', 'பாஸ் என்கிற பாஸ்கரன்', 'விண்ணைத்தாண்டி வருவாயா', 'யுத்தம் செய்', 'தா', 'பயணம்', 'தென்மேற்கு பருவக்காற்று', 'என் சுவாசம்' உள்ளிட்ட 13 படங்கள் திரையிடப்படுகிறது. இந்த படங்களுக்கு 22 பிரிவின் கீழ் விருதுகள் வழங்கப்படுகிறது. இதுதவிர 'எங்க வீட்டுப் பிள்ளை', 'கப்பலோட்டிய தமிழன்' ஆகிய படங்களும் திரையிடப்படுகிறது. நார்வே தமிழ் திரைப்பட விழாவின் அறிமுக கூட்டம் சென்னையில் நேற்றுமுன்தினம் நடந்தது. இதில் இயக்குனர்கள் சேரன், மிஷ்கின், பிரபு சாலமன், சுசீந்திரன், வசந்தபாலன், சூரிய பிரகாகர், நிகழ்ச்சி ஒருங்கிணைப்பாளர் வசீகரன் உட்பட பலர் கலந்து கொண்டனர்.

Source: Dinakaran

Read more »

கள்ளச் சிரிப்பழகா என்ன கதை?

கள்ளச் சிரிப்பழகா என்ன கதை?

2/21/2011 12:10:09 PM

யூனிபே 2யூ புரொடக்ஷன் சார்பில் பி.ஜெயப்பிரகாஷ் தயாரிக்கும் படம் 'கள்ளச் சிரிப்பழகா'. ஷக்தி, மேக்னா ராஜ், சந்தானம், தம்பி ராமய்யா நடிக்கின்றனர். ஒளிப்பதிவு, என்.ரவி. இசை, ஸ்ரீகாந்த் தேவா. பாடல்கள், விவேகா. எழுதி இயக்கும் எஸ்.கே.ஜீவா கூறியதாவது: 75 சதவீதம் காமெடி, 25 சதவீதம் காதல் மற்றும் குடும்ப சென்டிமென்ட் கலந்த படமாக இது உருவாகிறது. எத்தனை பிரச்னைகள் வந்தாலும், சிரித்தபடி சமாளிக்கும் இளைஞனாக ஷக்தி நடிக்கிறார். பிறருக்கு உதவி செய்ய வேண்டும் என்றால், பின்விளைவுகளை எதிர்பார்க்காமல் செய்வார். கல்லூரியில் அவரும், சந்தானமும் படிக்கிறார்கள். இவர்களின் லூட்டிகள் சொல்லி மாளாது. பல் மருத்துவக் கல்லூரி மாணவியாக வருகிறார், மேக்னா ராஜ். இரு பாடல்கள் மலேசியாவில் படமாகின்றன.

Source: Dinakaran

Read more »

காதலிப்பது உண்மைதான் திருமணம் முடிவாகவில்லை

காதலிப்பது உண்மைதான் திருமணம் முடிவாகவில்லை

2/19/2011 12:45:57 PM

தமிழ், தெலுங்கு, இந்தி படங்களில் நடித்து வருபவர் ரீமா சென். இவருக்கும் டெல்லியை சேர்ந்த தொழிலதிபர் ஒருவருக்கும் காதல் என அடிக்கடி செய்திகள் வெளியாயின. ஆனால், இதை ரீமா மறுத்து வந்தார். இந்நிலையில் காதலிப்பதை ஒப்புக்கொண்டுள்ளார் ரீமா சென். அவர் கூறியதாவது: எனக்கு திருமணமாகி விட்டது என்பதில் உண்மையில்லை. டெல்லி தொழிலதிபர் ஷிவ் கரண் சிங் என் நண்பர். கடந்த சில மாதங்களாக நாங்கள் நண்பர்களாகப் பழகி வந்தோம். கடந்த புதன்கிழமை டெல்லியில் உள்ள அவரது ஓட்டலில் இரவு விருந்துக்கு அழைத்திருந்தார். இதில் எனது நண்பர்களும் கலந்துகொண்டனர். அப்போது திடீரென்று, என்னைத் திருமணம் செய்து கொள்வாயா?' என்று கேட்டார். இதை நான் எதிர்பார்க்கவில்லை. இருந்தாலும் உடனே ஒப்புக் கொண்டேன். அடுத்த நிமிடமே, தயாராக வைத்திருந்த வைர மோதிரத்தை அவர் எனக்குப் பரிசளித்தார். இதுதான் நடந்தது. திருமண நிச்சயதார்த்தம் எதுவும் நடக்கவில்லை. இவ்வாறு ரீமா சென் கூறினார். ஷிவ் கரண் சிங்குக்கு ஏராளமான ஓட்டல்கள் உள்ளன. அவர் கூறும்போது, 'ரீமாவை ரொம்ப நாட்களாக தெரியும். எங்கள் திருமண நாள் குறித்து இருவீட்டு பெற்றோரும் முடிவு செய்வார்கள்' என்றார்.

Source: Dinakaran

Read more »

உலக கோப்பையில் நாக்க முக்க விஜய் ஆண்டனி நெகிழ்ச்சி

உலக கோப்பையில் நாக்க முக்க விஜய் ஆண்டனி நெகிழ்ச்சி

2/19/2011 12:50:12 PM

உலகக்கோப்பை கிரிக்கெட் போட்டி துவக்க விழா வங்கதேச தலைநகர் டாக்காவில் நேற்று முன்தினம் கோலாகலமாக நடந்தது. இவ்விழாவில், 'காதலில் விழுந்தேன்' படத்தில் இடம்பெற்ற 'நாக்க முக்க' பாடலும் இடம்பெற்றது. இதுபற்றி இதன் இசை அமைப்பாளர் விஜய் ஆண்டனியிடம் கேட்டபோது கூறியதாவது: உலகமே ஆர்வமாக எதிர்பார்க்கும் கிரிக்கெட் போட்டி துவக்கவிழாவில் 'நாக்க முக்க' பாடல் இடம்பெற்றது மகிழ்ச்சியான விஷயம். பொதுவாக குத்துப்பாட்டு என்ற வகையில் சில பாடல்களை புறக்கணிக்கிறார்கள். ஆனால், அந்த வகையில் இடம்பெற்ற 'நாக்க முக்க' பாடலுக்கு இவ்வளவு வரவேற்பு கிடைத்திருப்பது மகிழ்ச்சியான விஷயம். பறை, தப்பட்டை, தாரை போன்ற இசைக்கருவிகளை கொண்டு உருவாக்கப்படும் கிராமிய பாடலுக்கான வரவேற்பும் எதிர்பார்ப்பும் உலகம் முழுவதும் இருக்கிறது என்பதற்கு இந்தப் பாடல் சாட்சியாக இருக்கிறது.

Source: Dinakaran

Read more »

விளம்பரங்களில் நடிப்பது முக்கியம்

விளம்பரங்களில் நடிப்பது முக்கியம்

2/19/2011 12:47:59 PM

சமீபகாலமாக அதிகமான விளம்பர படங்களில் நடித்து வருகிறார் ஜெனிலியா. இதுபற்றி அவர் கூறியதாவது: விளம்பரப் படங்கள், ஒவ்வொரு நடிகர், நடிகைக்கும் முக்கியமானது. படங்களில் நடிகர், நடிகைகள் அந்தந்த கேரக்டராக மட்டுமே நடிக்க முடியும். ஆனால் விளம்பரங்களில் மட்டும்தான் இயல்பாக, எப்படி இருக்கிறோமோ அப்படி நடிக்க முடியும். அது மட்டுமில்லாமல் டி.வி விளம்பரங்களில் நடிக்கும்போது, நடிகையாக ரீச் ஆவதை விட, அதிகமான மக்களைச் சென்றடைய முடியும். எப்போதாவது ரசிகர், ரசிகைகளை சந்திக்கும்போது நான் ஏற்கும் வேடங்கள் பற்றி பேசுகிறார்கள். நான் கிளாமராக நடிக்காதது பற்றியும் அவர்களது கேள்வி இருக்கிறது. ஆனால், உடைகளை குறைத்தால் அதிகமாக ரீக் ஆக முடியும் என்று நம்பவில்லை. சந்தோஷ் சிவன் இயக்கத்தில் நான் நடித்துள்ள 'உருமி' படம் முடிந்துவிட்டது. இதில் என் கேரக்டர் பேசப்படும் விதமாக இருக்கும்.

Source: Dinakaran

Read more »